-त्या॑ह पि॒तॄने॒व प्र॒जा अनु॒ सन्त॑नोति पृतना॒षाड॑सि प॒शुभ्य॑स्त्वा प॒शूञ्जि॒न्वेत्या॑ह प्र॒जा ए॒व प॒शूननु॒ सन्त॑नोतिरे॒वद॒स्यो-ष॑धीभ्य॒ स्त्वौष॑धी-र्जि॒न्वेत्या॒हौष॑धीष्वे॒व प॒शून् प्रति॑ष्ठापयत्यभि॒जिद॑सि यु॒क्तग्रा॒वेन्द्रा॑य॒ त्वेन्द्रं॑ जि॒न्वेत्या॑हा॒भिजि॑त्या॒ अधि॑पतिरसि प्रा॒णाय॑ त्वा प्रा॒णं - [ ]
पदपाठः (Word-by-word)
इति॑ । आ॒ह॒ । पि॒तॄन् । ए॒व । प्र॒जा इति॑ प्र - जाः । अनु॑ । समिति॑ । त॒नो॒ति॒ । पृ॒त॒ना॒षाट् । अ॒सि॒ । प॒शुभ्य॒ इति॑ प॒शु - भ्यः॒ । त्वा॒ । प॒शून् । जि॒न्व॒ । इति॑ । आ॒ह॒ । प्र॒जा इति॑ प्र - जाः । ए॒व । प॒शून् । अनु॑ । समिति॑ । त॒नो॒ति॒ । रे॒वत् । अ॒सि॒ । ओष॑धीभ्य॒ इत्योष॑धि - भ्यः॒ । त्वा॒ । ओष॑धीः । जि॒न्व॒ । इति॑ । आ॒ह॒ । ओष॑धीषु । ए॒व । प॒शून् । प्रतीति॑ । स्था॒प॒य॒ति॒ । अ॒भि॒जिदित्य॑भि - जित् । अ॒सि॒ । यु॒क्तग्रा॒वेति॑ यु॒क्त - ग्रा॒वा॒ । इन्द्रा॑य । त्वा॒ । इन्द्र᳚म् । जि॒न्व॒ । इति॑ । आ॒ह॒ । अ॒भिजि॑त्या॒ इत्य॒भि - जि॒त्यै॒ । अधि॑पति॒रित्यधि॑ - प॒तिः॒ । अ॒सि॒ । प्रा॒णायेति॑ प्र - अ॒नाय॑ । त्वा॒ । प्रा॒णमिति॑ प्र-अ॒नम् ।