-द्विषु॑रूपे॒ अह॑नी॒ द्यौरि॑वासि । विश्वा॒ हि मा॒या अव॑सि स्वधावो भ॒द्रा ते॑ पूषन्नि॒ह रा॒तिर॑स्तु ॥ ते॑ऽवर्द्धन्त॒ स्वत॑वसो महित्व॒ना ऽऽनाकं॑ त॒स्थुरु॒रु च॑क्रिरे॒ सदः॑ । विष्णु॒ र्यद्धाऽऽव॒द्-वृष॑णं मद॒च्युतं॒ ॅवयो॒ न सी॑द॒न्नधि॑ ब॒र्॒.हिषि॑ प्रि॒ये ॥ प्रचि॒त्रम॒र्कं गृ॑ण॒ते तु॒राय॒ मारु॑ताय॒ स्वत॑वसे भरद्ध्वं । ये सहाꣳ॑सि॒ सह॑सा॒ सह॑न्ते॒ - [ ]
पदपाठः (Word-by-word)
विषु॑रूपे॒ इति॒ विषु॑ - रू॒पे॒ । अह॑नी॒ इति॑ । द्यौः । इ॒व॒ । अ॒सि॒ ॥ विश्वाः᳚ । हि । मा॒याः । अव॑सि । स्व॒धा॒व॒ इति॑ स्वधा - वः॒ । भ॒द्रा । ते॒ । पू॒ष॒न्न् । इ॒ह । रा॒तिः । अ॒स्तु॒ ॥ ते । अ॒व॒द्र्ध॒न्त॒ । स्वत॑वस॒ इति॒ स्व - त॒व॒सः॒ । म॒हि॒त्व॒नेति॑ महि - त्व॒ना । एति॑ । नाक᳚म् । त॒स्थुः । उ॒रु । च॒क्रि॒रे॒ । सदः॑ ॥ विष्णुः॑ । यत् । ह॒ । आव॑त् । वृष॑णम् । म॒द॒च्युत॒मिति॑ मद - च्युत᳚म् । वयः॑ । न । सी॒द॒न्न् । अधीति॑ । ब॒र्॒.हिषि॑ । प्रि॒ये ॥ प्रेति॑ । चि॒त्रम् । अ॒र्कम् । गृ॒ण॒ते । तु॒राय॑ । मारु॑ताय । स्वत॑वस॒ इति॒ स्व - त॒व॒से॒ । भ॒र॒द्ध्व॒म् ॥ ये । सहाꣳ॑सि । सह॑सा । सह॑न्ते ।