ई॑ म॒न्द्रासु॑ प्र॒यसः॑ । वसु॒श्चेति॑ष्ठो वसु॒धात॑मश्च ॥ द्वारो॑ दे॒वीरन्व॑स्य॒ विश्वे᳚ व्र॒ता द॑दन्ते अ॒ग्नेः । उ॒रु॒व्यच॑सो॒ धाम्ना॒ पत्य॑मानाः ॥ ते अ॑स्य॒ योष॑णे दि॒व्ये न योना॑वु॒षासा॒नक्ता᳚ । इ॒मं ॅय॒ज्ञ्म॑वता मद्ध्व॒रं नः॑ ॥ दैव्या॑ होतारावू॒र्द्ध्व-म॑द्ध्व॒रं नो॒ऽग्नेर्जि॒ह्वाम॒भि गृ॑णीतं । कृ॒णु॒तं नः॒ स्वि॑ष्टिं ॥ ति॒स्रो दे॒वीर्ब॒र्॒.हिरेदꣳ स॑द॒न्त्विडा॒ सर॑स्वती॒- [ ]
पदपाठः (Word-by-word)
ई॒म् । म॒न्द्रासु॑ । प्र॒यसः॑ ॥ वसुः॑ । चेति॑ष्ठः । व॒सु॒धात॑म॒ इति॑ वसु - धात॑मः । च॒ ॥ द्वारः॑ । दे॒वीः । अन्विति॑ । अ॒स्य॒ । विश्वे᳚ । व्र॒ता । द॒द॒न्ते॒ । अ॒ग्नेः ॥ उ॒रु॒व्यच॑स॒ इत्यु॑रु - व्यच॑सः । धाम्ना᳚ । पत्य॑मानाः ॥ ते इति॑ । अ॒स्य॒ । योष॑णे॒ इति॑ । दि॒व्ये इति॑ । न । योनौ᳚ । उ॒षासा॒नक्ता᳚ ॥ इ॒मम् । य॒ज्ञ्म् । अ॒व॒ता॒म् । अ॒द्ध्व॒रम् । नः॒ ॥ दैव्या᳚ । हो॒ता॒रौ॒ । ऊ॒द्र्ध्वम् । अ॒द्ध्व॒रम् । नः॒ । अ॒ग्नेः । जि॒ह्वाम् । अ॒भीति॑ । गृ॒णी॒त॒म् ॥ कृ॒णु॒तम् । नः॒ । स्वि॑ष्टि॒मिति॒ सु-इ॒ष्टि॒म् ॥ ति॒स्रः । दे॒वीः । ब॒र्॒.हिः । एति॑ । इ॒दम् । स॒द॒न्तु॒ । इडा᳚ । सर॑स्वती ।