मित्या॑ह दि॒वि हि सूर्यꣳ॒॒ सोम॒मद्रा॒वित्या॑ह॒ ग्रावा॑णो॒ वा अद्र॑य॒स्तेषु॒ वा ए॒ष सोमं॑ दधाति॒ यो यज॑ते॒ तस्मा॑दे॒वमा॒होदु॒ त्यं जा॒तवे॑दस॒मिति॑ सौ॒र्यर्चा कृ॑ष्णाजि॒नं प्र॒त्यान॑ह्यति॒ रक्ष॑सा॒मप॑हत्या॒ उस्रा॒वेतं॑ धूर्.षाहा॒वित्या॑ह यथाय॒जुरे॒वैतत् प्र च्य॑वस्व भुवस्पत॒ इत्या॑ह भू॒तानाꣳ॒॒ ह्ये॑ - [ ]
पदपाठः (Word-by-word)
इति॑ । आ॒ह॒ । दि॒वि । हि । सूर्य᳚म् । सोम᳚म् । अद्रौ᳚ । इति॑ । आ॒ह॒ । ग्रावा॑णः । वै । अद्र॑यः । तेषु॑ । वै । ए॒षः । सोम᳚म् । द॒धा॒ति॒ । यः । यज॑ते । तस्मा᳚त् । ए॒वम् । आ॒ह॒ । उदिति॑ । उ॒ । त्यम् । जा॒तवे॑दस॒मिति॑ जा॒त - वे॒द॒स॒म् । इति॑ । सौ॒र्या । ऋ॒चा । कृ॒ष्णा॒जि॒नमिति॑ कृष्ण - अ॒जि॒नम् । प्र॒त्यान॑ह्य॒तीति॑ प्रति-आन॑ह्यति । रक्ष॑साम् । अप॑हत्या॒ इत्यप॑ - ह॒त्यै॒ । उस्रौ᳚ । एति॑ । इ॒त॒म् । धू॒र्॒.षा॒हा॒विति॑ धूः - सा॒हौ॒ । इति॑ । आ॒ह॒ । य॒था॒य॒जुरिति॑ यथा - य॒जुः । ए॒व । ए॒तत् । प्रेति॑ । च्य॒व॒स्व॒ । भु॒वः॒ । प॒ते॒ । इति॑ । आ॒ह॒ । भू॒ताना᳚म् । हि ।