-ष पति॒र्विश्वा᳚न्य॒भि धामा॒नीत्या॑ह॒ विश्वा॑नि॒ ह्ये᳚(1॒) षो॑ऽभि धामा॑नि प्र॒च्यव॑ते॒ मा त्वा॑ परिप॒री वि॑द॒दित्या॑ह॒ यदे॒वादः सोम॑माह्रि॒यमा॑णं गन्ध॒र्वो वि॒श्वाव॑सुः प॒र्यमु॑ष्णा॒त् तस्मा॑-दे॒वमा॒हाप॑रिमोषाय॒ यज॑मानस्य स्व॒स्त्यय॑न्य॒सीत्या॑ह॒ यज॑मानस्यै॒वैष य॒ज्ञ्स्या᳚न्वार॒भ्ॐ ऽन॑वच्छित्त्यै॒ वरु॑णो॒ वा ए॒ष यज॑मानम॒भ्यैति॒ यत् - [ ]
पदपाठः (Word-by-word)
ए॒षः । पतिः॑ । विश्वा॑नि । अ॒भीति॑ । धामा॑नि । इति॑ । आ॒ह॒ । विश्वा॑नि । हि । ए॒षः । अ॒भीति॑ । धामा॑नि । प्र॒च्यव॑त॒ इति॑ प्र - च्यव॑ते । मा । त्वा॒ । प॒रि॒प॒रीति॑ परि - प॒री । वि॒द॒त् । इति॑ । आ॒ह॒ । यत् । ए॒व । अ॒दः । सोम᳚म् । आ॒ह्रि॒यमा॑ण॒मित्या᳚ - ह्रि॒यमा॑णम् । ग॒न्ध॒र्वः । वि॒श्वाव॑सु॒रिति॑ वि॒श्व - व॒सुः॒ । प॒र्यमु॑ष्णा॒दिति॑ परि - अमु॑ष्णात् । तस्मा᳚त् । ए॒वम् । आ॒ह॒ । अप॑रिमोषा॒येत्यप॑रि - मो॒षा॒य॒ । यज॑मानस्य । स्व॒स्त्यय॒नीति॑ स्वस्ति - अय॑नी । अ॒सि॒ । इति॑ । आ॒ह॒ । यज॑मानस्य । ए॒व । ए॒षः । य॒ज्ञ्स्य॑ । अ॒न्वा॒र॒म्भ इत्य॑नु - आ॒र॒म्भः । अन॑वच्छित्त्या॒ इत्यन॑व - छि॒त्यै॒ । वरु॑णः । वै । ए॒षः । यज॑मानम् । अ॒भि । एति॑ । ए॒ति॒ । यत् ।