वा अह्नो॒ वर्णो॒ यच्छु॒क्लं कृ॑ष्णाजि॒नस्यै॒ष रात्रि॑या॒ यत् कृ॒ष्णं ॅयदे॒वैन॑यो॒स्तत्र॒ न्य॑क्तं॒ तदे॒वाव॑ रुन्धे कृष्णाजि॒नेन॑ दीक्षयति॒ ब्रह्म॑णो॒ वा ए॒तद्-रू॒पं ॅयत् कृ॑ष्णाजि॒नं ब्रह्म॑णै॒वैनं॑ दीक्षयती॒मां धियꣳ॒॒ शिक्ष॑माणस्य दे॒वेत्या॑ह यथाय॒जुरे॒वैतद्-गर्भो॒ वा ए॒ष यद्-दी᳚क्षि॒त उल्बं॒ ॅवासः॒ प्रोर्णु॑ते॒ तस्मा॒द् - [ ]
पदपाठः (Word-by-word)
वै । अह्नः॑ । वर्णः॑ । यत् । शु॒क्लम् । कृ॒ष्णा॒जि॒नस्येति॑ कृष्ण - अ॒जि॒नस्य॑ । ए॒षः । रात्रि॑याः । यत् । कृ॒ष्णम् । यत् । ए॒व । ए॒न॒योः॒ । तत्र॑ । न्य॑क्त॒मिति॒ नि-अ॒क्त॒म् । तत् । ए॒व । अवेति॑ । रु॒न्धे॒ । कृ॒ष्णा॒जि॒नेनेति॑ कृष्ण-अ॒जि॒नेन॑ । दी॒क्ष॒य॒ति॒ । ब्रह्म॑णः । वै । ए॒तत् । रू॒पम् । यत् । कृ॒ष्णा॒जि॒नमिति॑ कृष्ण - अ॒जि॒नम् । ब्रह्म॑णा । ए॒व । ए॒न॒म् । दी॒क्ष॒य॒ति॒ । इ॒माम् । धिय᳚म् । शिक्ष॑माणस्य । दे॒व॒ । इति॑ । आ॒ह॒ । य॒था॒य॒जुरिति॑ यथा - य॒जुः । ए॒व । ए॒तत् । गर्भः॑ । वै । ए॒षः । यत् । दी॒क्षि॒तः । उल्ब᳚म् । वासः॑ । प्रेति॑ । ऊ॒र्णु॒ते॒ । तस्मा᳚त् ।