यजुर्वेद

क॒ण्डू॒येत॑ । पा॒म॒न॒म्भावु॑का॒ इति॑ पामनम् - भावु॑काः । प्र॒जा इति॑ प्र - जाः । स्युः॒ । यत् । स्मये॑त । न॒ग्न॒म्भावु॑का॒ इति॑ नग्नम् - भावु॑काः । कृ॒ष्ण॒वि॒षा॒णयेति॑ कृष्ण-वि॒षा॒णया᳚ । क॒ण्डू॒य॒ते॒ । अ॒पि॒गृह्येत्य॑पि - गृह्य॑ । स्म॒य॒ते॒ । प्र॒जाना॒मिति॑ प्र - जाना᳚म् । गो॒पी॒थाय॑ । न । पु॒रा । दक्षि॑णाभ्यः । नेतोः᳚ । कृ॒ष्ण॒वि॒षा॒णामिति॑ कृष्ण - वि॒षा॒णाम् । अवेति॑ । चृ॒ते॒त् । यत् । पु॒रा । दक्षि॑णाभ्यः । नेतोः᳚ । कृ॒ष्ण॒वि॒षा॒णामिति॑ कृष्ण-वि॒षा॒णाम् । अ॒व॒चृ॒तेदित्य॑व-चृ॒तेत् । योनिः॑ । प्र॒जाना॒मिति॑ प्र - जाना᳚म् । प॒रा॒पातु॒केति॑ परा - पातु॑का । स्या॒त् । नी॒तासु॑ । दक्षि॑णासु । चात्वा॑ले । कृ॒ष्ण॒वि॒षा॒णामिति॑ कृष्ण - वि॒षा॒णाम् । प्रेति॑ । अ॒स्य॒ति॒ । योनिः॑ । वै । य॒ज्ञ्स्य॑ । चात्वा॑लम् । योनिः॑ । कृ॒ष्ण॒वि॒षा॒णेति॑ कृष्ण - वि॒षा॒णा । योनौ᳚ । ए॒व । योनि᳚म् । द॒धा॒ति॒ । य॒ज्ञ्स्य॑ । स॒यो॒नि॒त्वायेति॑ सयोनि - त्वाय॑ ॥