ॅवाव यः पव॑ते॒ स य॒ज्ञ्स्तमे॒व सा॒क्षादा र॑भते मु॒ष्टी क॑रोति॒ वाचं॑ ॅयच्छति य॒ज्ञ्स्य॒ धृत्या॒ अदी᳚क्षिष्टा॒यं ब्रा᳚ह्म॒ण इति॒ त्रिरु॑पाꣳ॒॒श्वा॑ह दे॒वेभ्य॑ ए॒वैनं॒ प्राऽऽ*ह॒ त्रिरु॒च्चैरु॒भये᳚भ्य ए॒वैनं॑ देवमनु॒ष्येभ्यः॒ प्राऽऽ*ह॒ न पु॒रा नक्ष॑त्रेभ्यो॒ वाचं॒ ॅवि सृ॑जे॒द्-यत्पु॒रा नक्ष॑त्रेभ्यो॒ वाचं॑ ॅविसृ॒जेद्- य॒ज्ञ्ं ॅविच्छि॑न्द्या॒ - [ ]
पदपाठः (Word-by-word)
वाव । यः । पव॑ते । सः । य॒ज्ञ्ः । तम् । ए॒व । सा॒क्षादिति॑ स-अ॒क्षात् । एति॑ । र॒भ॒ते॒ । मु॒ष्टी इति॑ । क॒रो॒ति॒ । वाच᳚म् । य॒च्छ॒ति॒ । य॒ज्ञ्स्य॑ । धृत्यै᳚ । अदी᳚क्षिष्ट । अ॒यम् । ब्रा॒ह्म॒णः । इति॑ । त्रिः । उ॒पाꣳ॒॒श्वित्यु॑प - अꣳ॒॒शु । आ॒ह॒ । दे॒वेभ्यः॑ । ए॒व । ए॒न॒म् । प्रेति॑ । आ॒ह॒ । त्रिः । उ॒च्चैः । उ॒भये᳚भ्यः । ए॒व । ए॒न॒म् । दे॒व॒म॒नु॒ष्येभ्य॒ इति॑ देव - म॒नु॒ष्येभ्यः॑ । प्रेति॑ । आ॒ह॒ । न । पु॒रा । नक्ष॑त्रेभ्यः । वाच᳚म् । वीति॑ । सृ॒जे॒त् । यत् । पु॒रा । नक्ष॑त्रेभ्यः । वाच᳚म् । वि॒सृ॒जेदिति॑ वि - सृ॒जेत् । य॒ज्ञ्म् । वीति॑ । छि॒न्द्या॒त् ।