ह्ये॑ष सन् मर्त्ये॑षु॒ त्वं ॅय॒ज्ञेष्वीड्य॒ इत्या॑है॒तꣳ हि य॒ज्ञेष्वीड॒तेऽप॒ वै दी᳚क्षि॒ताथ् सु॑षु॒पुष॑ इन्द्रि॒यं दे॒वताः᳚ क्रामन्ति॒ विश्वे॑ दे॒वा अ॒भि मामाऽव॑वृत्र॒-न्नित्या॑-हेन्द्रि॒येणै॒वैनं॑ दे॒वता॑भिः॒ सं न॑यति॒ यदे॒तद्-यजु॒र्न ब्रू॒याद्-याव॑त ए॒व प॒शून॒भि दीक्षे॑त॒ ताव॑न्तोऽस्य प॒शवः॑ स्यू॒ रास्वेय॑थ् - [ ]
पदपाठः (Word-by-word)
हि । ए॒षः । सन्न् । मर्त्ये॑षु । त्वम् । य॒ज्ञेषु॑ । ईड्यः॑ । इति॑ । आ॒ह॒ । ए॒तम् । हि । य॒ज्ञेषु॑ । ईड॑ते । अपेति॑ । वै । दी॒क्षि॒तात् । सु॒षु॒पुषः॑ । इ॒न्द्रि॒यम् । दे॒वताः᳚ । क्रा॒म॒न्ति॒ । विश्वे᳚ । दे॒वाः । अ॒भीति॑ । माम् । एति॑ । अ॒व॒वृ॒त्र॒न्न् । इति॑ । आ॒ह॒ । इ॒न्द्रि॒येण॑ । ए॒व । ए॒न॒म् । दे॒वता॑भिः । समिति॑ । न॒य॒ति॒ । यत् । ए॒तत् । यजुः॑ । न । ब्रू॒यात् । याव॑तः । ए॒व । प॒शून् । अ॒भीति॑ । दीक्षे॑त । ताव॑न्तः । अ॒स्य॒ । प॒शवः॑ । स्युः॒ । रास्व॑ । इय॑त् ।