सो॒माऽऽ* भूयो॑ भ॒रेत्या॒हा-प॑रिमिताने॒व प॒शूनव॑ रुन्धे च॒न्द्रम॑सि॒ मम॒ भोगा॑य भ॒वेत्या॑ह यथादेव॒तमे॒वैनाः॒ प्रति॑ गृह्णाति वा॒यवे᳚ त्वा॒ वरु॑णाय॒ त्वेति॒ यदे॒वमे॒ता नानु॑दि॒शेदय॑थादेवतं॒ दक्षि॑णा गमये॒दा दे॒वता᳚भ्यो वृश्च्येत॒ यदे॒वमे॒ता अ॑नुदि॒शति॑ यथादेव॒तमे॒व दक्षि॑णा गमयति॒ न दे॒वता᳚भ्य॒ आ - [ ]
पदपाठः (Word-by-word)
सो॒म॒ । एति॑ । भूयः॑ । भ॒र॒ । इति॑ । आ॒ह॒ । अप॑रिमिता॒नित्यप॑रि-मि॒ता॒न् । ए॒व । प॒शून् । अवेति॑ । रु॒न्धे॒ । च॒न्द्रम् । अ॒सि॒ । मम॑ । भोगा॑य । भ॒व॒ । इति॑ । आ॒ह॒ । य॒था॒दे॒व॒तमिति॑ यथा - दे॒व॒तम् । ए॒व । ए॒नाः॒ । प्रतीति॑ । गृ॒ह्णा॒ति॒ । वा॒यवे᳚ । त्वा॒ । वरु॑णाय । त्वा॒ । इति॑ । यत् । ए॒वम् । ए॒ताः । न । अ॒नु॒दि॒शेदित्य॑नु - दि॒शेत् । अय॑थादेवत॒मित्यय॑था - दे॒व॒त॒म् । दक्षि॑णाः । ग॒म॒ये॒त् । एति॑ । दे॒वता᳚भ्यः । वृ॒श्च्ये॒त॒ । यत् । ए॒वम् । ए॒ताः । अ॒नु॒दि॒शतीत्य॑नु - दि॒शति॑ । य॒था॒दे॒व॒तमिति॑ यथा - दे॒व॒तम् । ए॒व । दक्षि॑णाः । ग॒म॒य॒ति॒ । न । दे॒वता᳚भ्यः । एति॑ ।