वृ॑श्च्यते॒ देवी॑रापो अपां नपा॒दित्या॑ह॒ यद्वो॒ मेद्ध्यं॑ ॅय॒ज्ञियꣳ॒॒ सदे॑वं॒ तद्वो॒ माऽव॑ क्रमिष॒मिति॒ वावैतदा॒हाच्छि॑न्नं॒ तन्तुं॑ पृथि॒व्या अनु॑ गेष॒मित्या॑ह॒ सेतु॑मे॒व कृ॒त्वाऽत्ये॑ति ॥
पदपाठः (Word-by-word)
वृ॒श्च्य॒ते॒ । देवीः᳚ । आ॒पः॒ । अ॒पा॒म् । न॒पा॒त् । इति॑ । आ॒ह॒ । यत् । वः॒ । मेद्ध्य᳚म् । य॒ज्ञिय᳚म् । सदे॑व॒मिति॒ स - दे॒व॒म् । तत् । वः॒ । मा । अवेति॑ । क्र॒मि॒ष॒म् । इति॑ । वाव । ए॒तत् । आ॒ह॒ । अच्छि॑न्नम् । तन्तु᳚म् । पृ॒थि॒व्याः । अन्विति॑ । गे॒ष॒म् । इति॑ । आ॒ह॒ । सेतु᳚म् । ए॒व । कृ॒त्वा । अतीति॑ । ए॒ति॒ ॥