यजुर्वेद

अ॒ग्नीषोमा॒वित्य॒ग्नी - सोमौ᳚ । इ॒ष्ट्वा । स॒वि॒तार᳚म् । य॒ज॒ति॒ । स॒वि॒तृप्र॑सूत॒ इति॑ सवि॒तृ - प्र॒सू॒तः॒ । ए॒व । अन्विति॑ । प॒श्य॒ति॒ । स॒वि॒तार᳚म् । इ॒ष्ट्वा । अदि॑तिम् । य॒ज॒ति॒ । इ॒यम् । वै । अदि॑तिः । अ॒स्याम् । ए॒व । प्र॒ति॒ष्ठायेति॑ प्रति - स्थाय॑ । अन्विति॑ । प॒श्य॒ति॒ । अदि॑तिम् । इ॒ष्ट्वा । मा॒रु॒तीम् । ऋच᳚म् । अन्विति॑ । आ॒ह॒ । म॒रुतः॑ । वै । दे॒वाना᳚म् । विशः॑ । दे॒व॒वि॒शमिति॑ देव - वि॒शम् । खलु॑ । वै । कल्प॑मानम् । म॒नु॒ष्य॒वि॒शमिति॑ मनुष्य-वि॒शम् । अन्विति॑ । क॒ल्प॒ते॒ । यत् । मा॒रु॒तीम् । ऋच᳚म् । अ॒न्वाहेत्य॑नु-आह॑ । वि॒शाम् । क्लृप्त्यै᳚ । ब्र॒ह्म॒वा॒दिन॒ इति॑ ब्रह्म - वा॒दिनः॑ । व॒द॒न्ति॒ । प्र॒या॒जव॒दिति॑ प्रया॒ज - व॒त् । अ॒न॒नू॒या॒जमित्य॑ननु - या॒जम् । प्रा॒य॒णीय॒मिति॑ प्र - अ॒य॒णीय᳚म् । का॒र्य᳚म् । अ॒नू॒या॒जव॒दित्य॑नूया॒ज - व॒त् ।