ति॑ मा क॒द्रूर॑वोच॒दिति॒ जग॒त्युद॑पत॒-च्चतु॑र्दशाक्षरा स॒ती सा ऽप्रा᳚प्य॒ न्य॑वर्तत॒ तस्यै॒ द्वे अ॒क्षरे॑ अमीयेताꣳ॒॒ सा प॒शुभि॑श्च दी॒क्षया॒ चाऽग॑च्छ॒त् तस्मा॒ज्जग॑ती॒ छन्द॑सां पश॒व्य॑तमा॒ तस्मा᳚त् पशु॒मन्तं॑ दी॒क्षोप॑ नमति त्रि॒ष्टुगुद॑पत॒त् त्रयो॑दशाक्षरा स॒ती सा ऽप्रा᳚प्य॒ न्य॑वर्तत॒ तस्यै॒ द्वे अ॒क्षरे॑ अमीयेताꣳ॒॒ सा दक्षि॑णाभिश्च॒ - [ ]
पदपाठः (Word-by-word)
इति॑ । मा॒ । क॒द्रूः । अ॒वो॒च॒त् । इति॑ । जग॑ती । उदिति॑ । अ॒प॒त॒त् । चतु॑र्दशाक्ष॒रेति॒ चतु॑र्दश - अ॒क्ष॒रा॒ । स॒ती । सा । अप्रा॒प्येत्यप्र॑ - आ॒प्य॒ । नीति॑ । अ॒व॒र्त॒त॒ । तस्यै᳚ । द्वे इति॑ । अ॒क्षरे॒ इति॑ । अ॒मी॒ये॒ता॒म् । सा । प॒शुभि॒रिति॑ प॒शु - भिः॒ । च॒ । दी॒क्षया᳚ । च॒ । एति॑ । अ॒ग॒च्छ॒त् । तस्मा᳚त् । जग॑ती । छन्द॑साम् । प॒श॒व्य॑त॒मेति॑ पश॒व्य॑ - त॒मा॒ । तस्मा᳚त् । प॒शु॒मन्त॒मिति॑ पशु - मन्त᳚म् । दी॒क्षा । उपेति॑ । न॒म॒ति॒ । त्रि॒ष्टुक् । उदिति॑ । अ॒प॒त॒त् । त्रयो॑दशाक्ष॒रेति॒ त्रयो॑दश - अ॒क्ष॒रा॒ । स॒ती । सा । अप्रा॒प्येत्यप्र॑ - आ॒प्य॒ । नीति॑ । अ॒व॒र्त॒त॒ । तस्यै᳚ । द्वे इति॑ । अ॒क्षरे॒ इति॑ । अ॒मी॒ये॒ता॒म् । सा । दक्षि॑णाभिः । च॒ ।