यजुर्वेद

भव॑न्ति । एक॑हाय॒न्येत्येक॑ - हा॒य॒न्या॒ । क्री॒णा॒ति॒ । वा॒चा । ए॒व । ए॒न॒म् । सर्व॑या । क्री॒णा॒ति॒ । तस्मा᳚त् । एक॑हायना॒ इत्येक॑-हा॒य॒नाः॒ । म॒नु॒ष्याः᳚ । वाच᳚म् । व॒द॒न्ति॒ । अकू॑टया । अक॑र्णया । अका॑णया । अश्लो॑णया । अस॑प्तशफ॒येत्यस॑प्त - श॒फ॒या॒ । क्री॒णा॒ति॒ । सर्व॑या । ए॒व । ए॒न॒म् । क्री॒णा॒ति॒ । यत् । श्वे॒तया᳚ । क्री॒णी॒यात् । दु॒श्चर्मेति॑ दुः - चर्मा᳚ । यज॑मानः । स्या॒त् । यत् । कृ॒ष्णया᳚ । अ॒नु॒स्तर॒णीत्य॑नु - स्तर॑णी । स्या॒त् । प्र॒मायु॑क॒ इति॑ प्र - मायु॑कः । यज॑मानः । स्या॒त् । यत् । द्वि॒रू॒पयेति॑ द्वि - रू॒पया᳚ । वात्र॒घ्नीति॒ वात्र॑ - घ्नी॒ । स्या॒त् । सः । वा॒ । अ॒न्यम् । जि॒नी॒यात् । तम् । वा॒ । अ॒न्यः । जि॒नी॒या॒त् । अ॒रु॒णया᳚ । पि॒ङ्गा॒क्ष्येति॑ पिङ्ग - अ॒क्ष्या ( ) । क्री॒णा॒ति॒ । ए॒तत् । वै । सोम॑स्य । रू॒पम् । स्वया᳚ । ए॒व । ए॒न॒म् । दे॒वत॑या । क्री॒णा॒ति॒ ॥