करो॒त्यथो॒ सं भ॑रत्ये॒वैनं॒ ॅयदब॑द्धम-वद॒द्ध्याद्-गर्भाः᳚ प्र॒जानां᳚ परा॒पातु॑काः स्युर्ब॒द्धमव॑ दधाति॒ गर्भा॑णां॒ धृत्यै॑ निष्ट॒र्क्यं॑ बद्ध्नाति प्र॒जानां᳚ प्र॒जन॑नाय॒ वाग्वा ए॒षा यथ् सो॑म॒क्रय॑णी॒ जूर॒सीत्या॑ह॒ यद्धि मन॑सा॒ जव॑ते॒ तद्-वा॒चा वद॑ति धृ॒ता मन॒सेत्या॑ह॒ मन॑सा॒ हि वाग्धृ॒ता जुष्टा॒ विष्ण॑व॒ इत्या॑ह - [ ]
पदपाठः (Word-by-word)
क॒रो॒ति॒ । अथो॒ इति॑ । समिति॑ । भ॒र॒ति॒ । ए॒व । ए॒न॒म् । यत् । अब॑द्धम् । अ॒व॒द॒द्ध्यादित्य॑व -द॒द्ध्यात् । गर्भाः᳚ । प्र॒जाना॒मिति॑ प्र - जाना᳚म् । प॒रा॒पातु॑का॒ इति॑ परा-पातु॑काः । स्युः॒ । ब॒द्धम् । अवेति॑ । द॒धा॒ति॒ । गर्भा॑णाम् । धृत्यै᳚ । नि॒ष्ट॒र्क्य᳚म् । ब॒द्ध्ना॒ति॒ । प्र॒जाना॒मिति॑ प्र - जाना᳚म् । प्र॒जन॑ना॒येति॑ प्र-जन॑नाय । वाक् । वै । ए॒षा । यत् । सो॒म॒क्रय॒णीति॑ सोम - क्रय॑णी । जूः । अ॒सि॒ । इति॑ । आ॒ह॒ । यत् । हि । मन॑सा । जव॑ते । तत् । वा॒चा । वद॑ति । धृ॒ता । मन॑सा । इति॑ । आ॒ह॒ । मन॑सा । हि । वाक् । धृ॒ता । जुष्टा᳚ । विष्ण॑वे । इति॑ । आ॒ह॒ ।