य॒ज्ञो वै विष्णु॑ र्य॒ज्ञायै॒वैनां॒ जुष्टां᳚ करोति॒ तस्या᳚स्ते स॒त्यस॑वसः प्रस॒व इत्या॑ह सवि॒तृ-प्र॑सूतामे॒व वाच॒मव॑ रुन्धे॒ काण्डे॑काण्डे॒ वै क्रि॒यमा॑णे य॒ज्ञ्ꣳ रक्षाꣳ॑सि जिघाꣳसन्त्ये॒ष खलु॒ वा अर॑क्षोहतः॒ पन्था॒ यो᳚ऽग्नेश्च॒ सूर्य॑स्य च॒ सूर्य॑स्य॒ चक्षु॒रा-ऽरु॑हम॒ग्नेर॒क्ष्णः क॒नीनि॑का॒मित्या॑ह॒ य ए॒वार॑क्षोहतः॒ पन्था॒स्तꣳ स॒मारो॑हति॒ - [ ]
पदपाठः (Word-by-word)
य॒ज्ञ्ः । वै । विष्णुः॑ । य॒ज्ञाय॑ । ए॒व । ए॒ना॒म् । जुष्टा᳚म् । क॒रो॒ति॒ । तस्याः᳚ । ते॒ । स॒त्यस॑वस॒ इति॑ स॒त्य - स॒व॒सः॒ । प्र॒स॒व इति॑ प्र - स॒वे । इति॑ । आ॒ह॒ । स॒वि॒तृप्र॑सूता॒मिति॑ सवि॒तृ - प्र॒सू॒ता॒म् । ए॒व । वाच᳚म् । अवेति॑ । रु॒न्धे॒ । काण्डे॑काण्ड॒ इति॒ काण्डे᳚-का॒ण्डे॒ । वै । क्रि॒यमा॑णे । य॒ज्ञ्म् । रक्षाꣳ॑सि । जि॒घाꣳ॒॒स॒न्ति॒ । ए॒षः । खलु॑ । वै । अर॑क्षोहत॒ इत्यर॑क्षः - ह॒तः॒ । पन्थाः᳚ । यः । अ॒ग्नेः । च॒ । सूर्य॑स्य । च॒ । सूर्य॑स्य । चक्षुः॑ । एति॑ । अ॒रु॒ह॒म् । अ॒ग्नेः । अ॒क्ष्णः । क॒नीनि॑काम् । इति॑ । आ॒ह॒ । यः । ए॒व । अर॑क्षोहत॒ इत्यर॑क्षः-ह॒तः॒ । पन्थाः᳚ । तम् । स॒मारो॑ह॒तीति॑ सं - आरो॑हति ।