वाग्वा ए॒षा यथ् सो॑म॒क्रय॑णी॒ चिद॑सि म॒नाऽसीत्या॑ह॒ शास्त्ये॒वैना॑मे॒तत् तस्मा᳚च्छि॒ष्टाः प्र॒जा जा॑यन्ते॒ चिद॒सीत्या॑ह॒ यद्धि मन॑सा चे॒तय॑ते॒ तद्-वा॒चा वद॑ति म॒नाऽसीत्या॑ह॒ यद्धि मन॑साऽभि॒गच्छ॑ति॒ तत् क॒रोति॒ धीर॒सीत्या॑ह॒ यद्धि मन॑सा॒ ध्याय॑ति॒ तद्-वा॒चा - [ ]
पदपाठः (Word-by-word)
वाक् । वै । ए॒षा । यत् । सो॒म॒क्रय॒णीति॑ सोम - क्रय॑णी । चित् । अ॒सि॒ । म॒ना । अ॒सि॒ । इति॑ । आ॒ह॒ । शास्ति॑ । ए॒व । ए॒ना॒म् । ए॒तत् । तस्मा᳚त् । शि॒ष्टाः । प्र॒जा इति॑ प्र - जाः । जा॒य॒न्ते॒ । चित् । अ॒सि॒ । इति॑ । आ॒ह॒ । यत् । हि । मन॑सा । चे॒तय॑ते । तत् । वा॒चा । वद॑ति । म॒ना । अ॒सि॒ । इति॑ । आ॒ह॒ । यत् । हि । मन॑सा । अ॒भि॒गच्छ॒तीत्य॑भि - गच्छ॑ति । तत् । क॒रोति॑ । धीः । अ॒सि॒ । इति॑ । आ॒ह॒ । यत् । हि । मन॑सा । ध्याय॑ति । तत् । वा॒चा ।