यजुर्वेद

प॒शुभ्य॒ इति॑ प॒शु - भ्यः॒ । न । अ॒न्तः । ए॒ति॒ । त्वे इति॑ । रायः॑ । इति॑ । यज॑मानाय । प्रेति॑ । य॒च्छ॒ति॒ । यज॑माने । ए॒व । र॒यिम् । द॒धा॒ति॒ । तोते᳚ । रायः॑ । इति॑ । पत्नि॑यै । अ॒द्‌र्धः । वै । ए॒षः । आ॒त्मनः॑ । यत् । पत्नी᳚ । यथा᳚ । गृ॒हेषु॑ । नि॒ध॒त्त इति॑ नि - ध॒त्ते । ता॒दृक् । ए॒व । तत् । त्वष्टी॑मती । ते॒ । स॒पे॒य॒ । इति॑ । आ॒ह॒ । त्वष्टा᳚ । वै । प॒शू॒नाम् । मि॒थु॒नाना᳚म् । रू॒प॒कृदिति॑ रूप - कृत् । रू॒पम् । ए॒व । प॒शुषु॑ । द॒धा॒ति॒ । अ॒स्मै । वै । लो॒काय॑ । गार्.ह॑पत्य॒ इति॒ गार्.ह॑ - प॒त्यः॒ । एति॑ । धी॒य॒ते॒ ( ) । अ॒मुष्मै᳚ । आ॒ह॒व॒नीय॒ इत्या᳚ - ह॒व॒नीयः॑ । यत् । गार्.ह॑पत्य॒ इति॒ गार्.ह॑- प॒त्ये॒ । उ॒प॒वपे॒दित्यु॑प - वपे᳚त् । अ॒स्मिन्न् । लो॒के । प॒शु॒मानिति॑ पशु - मान् । स्या॒त् । यत् । आ॒ह॒व॒नीय॒ इत्या᳚ - ह॒व॒नीये᳚ । अ॒मुष्मिन्न्॑ । लो॒के । प॒शु॒मानिति॑ पशु - मान् । स्या॒त् । उ॒भयोः᳚ । उपेति॑ । व॒प॒ति॒ । उ॒भयोः᳚ । ए॒व । ए॒न॒म् । लो॒कयोः᳚ । प॒शु॒मन्त॒मिति॑ पशु - मन्त᳚म् । क॒रो॒ति॒ ॥