ॅयदीत॑रमु॒भये॑नै॒व सो॑मविक्र॒यिण॑-मर्पयति॒ तस्मा᳚थ् सोमविक्र॒यी क्षोधु॑को ऽरु॒णो ह॑ स्मा॒ऽऽ*हौप॑वेशिः सोम॒क्रय॑ण ए॒वाहं तृ॑तीय सव॒नमव॑ रुन्ध॒ इति॑ पशू॒नां चर्म॑न् मिमीते प॒शूने॒वाव॑ रुन्धे प॒शवो॒ हि तृ॒तीयꣳ॒॒ सव॑नं॒ ॅयं का॒मये॑ताप॒शुः स्या॒दित्यृ॑क्ष॒तस्तस्य॑ मिमीत॒र्क्षं ॅवा अ॑पश॒व्यम॑प॒शुरे॒व भ॑वति॒ यं का॒मये॑त पशु॒मान्थ् स्या॒ - [ ]
पदपाठः (Word-by-word)
यदि॑ । इत॑रम् । उ॒भये॑न । ए॒व । सो॒म॒वि॒क्र॒यिण॒मिति॑ सोम - वि॒क्र॒यिण᳚म् । अ॒र्प॒य॒ति॒ । तस्मा᳚त् । सो॒म॒वि॒क्र॒यीति॑ सोम - वि॒क्र॒यी । क्षोधु॑कः । अ॒रु॒णः । ह॒ । स्म॒ । आ॒ह॒ । औप॑वेशि॒रित्यौप॑-वे॒शिः॒ । सो॒म॒क्रय॑ण॒ इति॑ सोम - क्रय॑णे । ए॒व । अ॒हम् । तृ॒ती॒य॒स॒व॒नमिति॑ तृतीय - स॒व॒नम् । अवेति॑ । रु॒न्धे॒ । इति॑ । प॒शू॒नाम् । चर्मन्न्॑ । मि॒मी॒ते॒ । प॒शून् । ए॒व । अवेति॑ । रु॒न्धे॒ । प॒शवः॑ । हि । तृ॒तीय᳚म् । सव॑नम् । यम् । का॒मये॑त । अ॒प॒शुः । स्या॒त् । इति॑ । ऋ॒क्ष॒तः । तस्य॑ । मि॒मी॒त॒ । ऋ॒क्षम् । वै । अ॒प॒श॒व्यम् । अ॒प॒शुः । ए॒व । भ॒व॒ति॒ । यम् । का॒मये॑त । प॒शु॒मानिति॑ पशु - मान् । स्या॒त् ।