-दिति॑ लोम॒तस्तस्य॑ मिमीतै॒तद्वै प॑शू॒नाꣳ रू॒पꣳ रू॒पेणै॒वास्मै॑ प॒शूनव॑ रुन्धे पशु॒माने॒व भ॑वत्य॒पामन्ते᳚ क्रीणाति॒ सर॑समे॒वैनं॑ क्रीणात्य॒-मात्यो॒ऽसीत्या॑हा॒मैवैनं॑ कुरुते शु॒क्रस्ते॒ ग्रह॒ इत्या॑ह शु॒क्रो ह्य॑स्य॒ ग्रहो ऽन॒साऽच्छ॑ याति महि॒मान॑-मे॒वास्याच्छ॑ या॒त्यन॒सा - [ ]
पदपाठः (Word-by-word)
इति॑ । लो॒म॒तः । तस्य॑ । मि॒मी॒त॒ । ए॒तत् । वै । प॒शू॒नाम् । रू॒पम् । रू॒पेण॑ । ए॒व । अ॒स्मै॒ । प॒शून् । अवेति॑ । रु॒न्धे॒ । प॒शु॒मानिति॑ पशु - मान् । ए॒व । भ॒व॒ति॒ । अ॒पाम् । अन्ते᳚ । क्री॒णा॒ति॒ । सर॑स॒मिति॒ स-र॒स॒म् । ए॒व । ए॒न॒म् । क्री॒णा॒ति॒ । अ॒मात्यः॑ । अ॒सि॒ । इति॑ । आ॒ह॒ । अ॒मा । ए॒व । ए॒न॒म् । कु॒रु॒ते॒ । शु॒क्रः । ते॒ । ग्रहः॑ । इति॑ । आ॒ह॒ । शु॒क्रः । हि । अ॒स्य॒ । ग्रहः॑ । अन॑सा । अच्छ॑ । या॒ति॒ । म॒हि॒मान᳚म् । ए॒व । अ॒स्य॒ । अच्छ॑ । या॒ति॒ । अन॑सा ।