स॑प्ता॒नां गि॑री॒णां प॒रस्ता᳚द्वि॒त्तं ॅवेद्य॒मसु॑राणां बिभर्ति॒ तं ज॑हि॒ यदि॑ दु॒र्गे हन्ताऽसीति॒ स द॑र्भपुञ्जी॒लमु॒द्-वृह्य॑ स॒प्त गि॒रीन् भि॒त्त्वा तम॑ह॒न्थ् सो᳚ऽब्रवीद् दु॒र्गाद्वा आह॑र्तावोचथा ए॒तमा ह॒रेति॒ तमे᳚भ्यो य॒ज्ञ् ए॒व य॒ज्ञ्माऽह॑र॒द्यत् तद्वि॒त्तं ॅवेद्य॒मसु॑राणा॒-मवि॑न्दन्त॒ तदेकं॒ ॅवेद्यै॑ वेदि॒त्वमसु॑राणां॒- [ ]
पदपाठः (Word-by-word)
स॒प्ता॒नाम् । गि॒री॒णाम् । प॒रस्ता᳚त् । वि॒त्तम् । वेद्य᳚म् । असु॑राणाम् । बि॒भ॒र्ति॒ । तम् । ज॒हि॒ । यदि॑ । दु॒र्ग इति॑ दुः - गे । हन्ता᳚ । असि॑ । इति॑ । सः । द॒र्भ॒पु॒ञ्जी॒लमिति॑ दर्भ - पु॒ञ्जी॒लम् । उ॒द्वृह्येत्यु॑त् - वृह्य॑ । स॒प्त । गि॒रीन् । भि॒त्वा । तम् । अ॒ह॒न्न् । सः । अ॒ब्र॒वी॒त् । दु॒र्गादिति॑ दुः - गात् । वै । आह॒र्तेत्या - ह॒र्ता॒ । अ॒वो॒च॒थाः॒ । ए॒तम् । एति॑ । ह॒र॒ । इति॑ । तम् । ए॒भ्यः॒ । य॒ज्ञ्ः । ए॒व । य॒ज्ञ्म् । एति॑ । अ॒ह॒र॒त् । यत् । तत् । वि॒त्तम् । वेद्य᳚म् । असु॑राणाम् । अवि॑न्दन्त । तत् । एक᳚म् । वेद्यै᳚ । वे॒दि॒त्वमिति॑ वेदि - त्वम् । असु॑राणाम् ।