यजुर्वेद

आयुः॑ । द॒धा॒ति॒ । पु॒रस्ता᳚त् । उ॒क्थस्य॑ । अ॒व॒नीय॒ इत्य॑व - नीयः॑ । इति॑ । आ॒हुः॒ । पु॒रस्ता᳚त् । हि । आयु॑षः । भु॒ङ्क्ते । म॒द्ध्य॒तः । अ॒व॒नीय॒ इत्य॑व - नीयः॑ । इति॑ । आ॒हुः॒ । म॒द्ध्य॒मेन॑ । हि । आयु॑षः । भु॒ङ्क्ते । उ॒त्त॒रा॒द्‌र्ध इत्यु॑त्तर - अ॒द्‌र्धे । अ॒व॒नीय॒ इत्य॑व - नीयः॑ । इति॑ । आ॒हुः॒ । उ॒त्त॒मेनेत्यु॑त् - त॒मेन॑ । हि । आयु॑षः । भु॒ङ्क्ते । वै॒श्व॒दे॒व्यामिति॑ वैश्व - दे॒व्याम् । ऋ॒चि । श॒स्यमा॑नायाम् । अवेति॑ । न॒य॒ति॒ । वै॒श्व॒दे॒व्य॑ इति॑ वैश्व - दे॒व्यः॑ । वै । प्र॒जा इति॑ प्र - जाः । प्र॒जास्विति॑ प्र - जासु॑ । ए॒व । आयुः॑ । द॒धा॒ति॒ ॥