ॅलो॒कम॑जिगाꣳस॒न् ते सु॑व॒र्गं ॅलो॒कं न प्राजा॑न॒न् त ए॒तं पा᳚त्नीव॒तम॑पश्य॒न् तम॑गृह्णत॒ ततो॒ वै ते सु॑व॒र्गं ॅलो॒कं प्राजा॑न॒न्॒. यत् पा᳚त्नीव॒तो गृ॒ह्यते॑ सुव॒र्गस्य॑ लो॒कस्य॒ प्रज्ञा᳚त्यै॒ स सोमो॒ नाति॑ष्ठत स्त्री॒भ्यो गृ॒ह्यमा॑ण॒स्तं घृ॒तं ॅवज्रं॑ कृ॒त्वाऽघ्न॒न् तं निरि॑न्द्रियं भू॒तम॑गृह्ण॒न् तस्मा॒थ् स्त्रियो॒ निरि॑न्द्रिया॒ अदा॑यादी॒रपि॑ पा॒पात् पुꣳ॒॒स उप॑स्तितरं- [ ]
पदपाठः (Word-by-word)
लो॒कम् । अ॒जि॒गाꣳ॒॒स॒न्न् । ते । सु॒व॒र्गमिति॑ सुवः - गम् । लो॒कम् । न । प्रेति॑ । अ॒जा॒न॒न्न् । ते । ए॒तम् । पा॒त्नी॒व॒तमिति॑ पात्नी - व॒तम् । अ॒प॒श्य॒न्न् । तम् । अ॒गृ॒ह्ण॒त । ततः॑ । वै । ते । सु॒व॒र्गमिति॑ सुवः - गम् । लो॒कम् । प्रेति॑ । अ॒जा॒न॒न्न् । यत् । पा॒त्नी॒व॒त इति॑ पात्नी - व॒तः । गृ॒ह्यते᳚ । सु॒व॒र्गसेति॑ सुवः - गस्य॑ । लो॒कस्य॑ । प्रज्ञा᳚त्या॒ इति॒ प्र - ज्ञा॒त्यै॒ । सः । सोमः॑ । न । अ॒ति॒ष्ठ॒त॒ । स्त्री॒भ्यः । गृ॒ह्यमा॑णः । तम् । घृ॒तम् । वज्र᳚म् । कृ॒त्वा । अ॒घ्न॒न्न् । तम् । निरि॑न्द्रिय॒मिति॒ निः - इ॒न्द्रि॒य॒म् । भू॒तम् । अ॒गृ॒ह्ण॒न्न् । तस्मा᳚त् । स्त्रियः॑ । निरि॑न्द्रिया॒ इति॒ निः-इ॒न्द्रि॒याः॒ । अदा॑यादी॒रित्यदा॑य-अ॒दीः॒ । अपीति॑ । पा॒पात् । पुꣳ॒॒सः । उप॑स्तितर॒मित्युप॑स्ति - त॒र॒म् ।