अप॑ क्रामतो॒ योऽलं॑ प्र॒जायै॒ सन् प्र॒जां न वि॒न्दते॑ वा॒युमे॒व नि॒युत्व॑न्तꣳ॒॒ स्वेन॑ भाग॒धेये॒नोप॑ धावति॒ स ए॒वास्मै᳚ प्राणापा॒नाभ्यां᳚ प्र॒जां प्र ज॑नयति वि॒न्दते᳚ प्र॒जां ॅवा॒यवे॑ नि॒युत्व॑त॒ आ ल॑भेत॒ ज्योगा॑मयावी प्रा॒णो वै वा॒युर॑पा॒नो नि॒युत् प्रा॑णापा॒नौ खलु॒ वा ए॒तस्मा॒ दप॑क्रामतो॒ यस्य॒ ज्योगा॒मय॑ति वा॒युमे॒व नि॒युत्व॑न्तꣳ॒॒ स्वेन॑ भाग॒धेये॒नोप॑ - [ ]
पदपाठः (Word-by-word)
अपेति॑ । क्रा॒म॒तः॒ । यः । अल᳚म् । प्र॒जाया॒ इति॑ प्र - जायै᳚ । सन्न् । प्र॒जामिति॑ प्र -जाम् । न । वि॒न्दते᳚ । वा॒युम् । ए॒व । नि॒युत्व॑न्त॒मिति॑ नि - युत्व॑न्तम् । स्वेन॑ । भा॒ग॒धेये॒नेति॑ भाग-धेये॑न । उपेति॑ । धा॒व॒ति॒ । सः । ए॒व । अ॒स्मै॒ । प्रा॒णा॒पा॒नाभ्या॒मिति॑ प्राण - अ॒पा॒नाभ्या᳚म् । प्र॒जामिति॑ प्र -जाम् । प्रेति॑ । ज॒न॒य॒ति॒ । वि॒न्दते᳚ । प्र॒जामिति॑ प्र -जाम् । वा॒यवे᳚ । नि॒युत्व॑त॒ इति॑ नि-युत्व॑ते । एति॑ । ल॒भे॒त॒ । ज्योगा॑मया॒वीति॒ ज्योक् - आ॒म॒या॒वी॒ । प्रा॒ण इति॑ प्र - अ॒नः । वै । वा॒युः । अ॒पा॒न इत्य॑प - अ॒नः । नि॒युदिति॑ नि - युत् । प्रा॒णा॒पा॒नाविति॑ प्राण-अ॒पा॒नौ । खलु॑ । वै । ए॒तस्मा᳚त् । अपेति॑ । क्रा॒म॒तः॒ । यस्य॑ । ज्योक् । आ॒मय॑ति । वा॒युम् । ए॒व । नि॒युत्व॑न्त॒मिति॑ नि - युत्व॑न्तम् । स्वेन॑ । भा॒ग॒धेये॒नेति॑ भाग-धेये॑न । उपेति॑ ।