स॒ह नौ॒ यशः । स॒ह नौ ब्र॑ह्मव॒र्चसं ॥ अथातः सꣳहिताया उपनिषदं ॅव्या᳚ख्यास्या॒मः । पञ्चस्वधि-क॑रणे॒षु । अधिलोकमधि-ज्यौतिष-मधिविद्य-मधिप्रज॑-मद्ध्या॒त्मं । ता महासꣳहिता इ॑त्याच॒क्षते ॥ अथा॑धि लो॒कं । पृथिवी पू᳚र्वरू॒पं । द्यौरुत्त॑ररू॒पं । आका॑शः स॒न्धिः

वायुः॑ सन्धा॒नं । इत्य॑धि लो॒कं ॥ अथा॑धि ज्यौ॒तिषं । अग्निः पू᳚र्व रू॒पं । आदित्य उत्त॑ररू॒पं । आ॑पः स॒न्धिः । वैद्युतः॑ सन्धा॒नं । इत्य॑धि ज्यौ॒तिषं ॥ अथा॑धि वि॒द्यं । आचार्यः पू᳚र्व रू॒पं

अन्तेवास्युत्त॑ररू॒पं । वि॑द्या स॒न्धिः । प्रवचनꣳ॑ सन्धा॒नं । इत्य॑धि वि॒द्यं ॥ अथाधि॒प्रजं । माता पू᳚र्वरू॒पं । पितोत्त॑ररू॒पं । प्र॑जा स॒न्धिः । प्रजननꣳ॑ सन्धा॒नं । इत्यधि॒प्रजं ।

अथाद्ध्या॒त्मं । अधराहनुः पू᳚र्व रू॒पं । उत्तराहनु-रुत्त॑ररू॒पं । वाख् स॒न्धिः । जिह्वा॑ सन्धा॒नं । इत्यद्ध्या॒त्मं ॥ इती माम॑हा सꣳ॒॒हिताः ॥ य एवमेता महासꣳहिता व्याख्या॑ता वे॒द । सन्धीयते प्रज॑या प॒शुभिः । ब्रह्मवर्च-सेनान्नाद्येन सुवर्ग्येण॑ (सुवर्गेण॑) लोके॒न ( ) ।