च॑ नः॒ सर्व॑वीरां॒ नि य॑च्छतु ॥ अग्ने॒ अच्छा॑ वदे॒ह नः॒ प्रति॑ नः सु॒मना॑ भव । प्र णो॑ यच्छ भुवस्पते धन॒दा अ॑सि न॒स्त्वं ॥ प्र णो॑ यच्छत्वर्य॒मा प्र भगः॒ प्र बृह॒स्पतिः॑ । प्र दे॒वाः प्रोत सू॒नृता॒ प्र वाग् दे॒वी द॑दातु नः ॥ अ॒र्य॒मणं॒ बृह॒स्पति॒मिन्द्रं॒ दाना॑य चोदय । वाचं॒ ॅविष्णुꣳ॒॒ सर॑स्वतीꣳ सवि॒तारं॑ - [ ]
पदपाठः (Word-by-word)
च॒ । नः॒ । सर्व॑वीरा॒मिति॒ सर्व॑ - वी॒रा॒म् । नीति॑ । य॒च्छ॒तु॒ ॥ अग्ने᳚ । अच्छ॑ । व॒द॒ । इ॒ह । नः॒ । प्रतीति॑ । नः॒ । सु॒मना॒ इति॑ सु - मनाः᳚ । भ॒व॒ ॥ प्रेति॑ । नः॒ । य॒च्छ॒ । भु॒वः॒ । प॒ते॒ । ध॒न॒दा इति॑ धन - दाः । अ॒सि॒ । नः॒ । त्वम् ॥ प्रेति॑ । नः॒ । य॒च्छ॒तु॒ । अ॒र्य॒मा । प्रेति॑ । भगः॑ । प्रेति॑ । बृह॒स्पतिः॑ ॥ प्रेति॑ । दे॒वाः । प्रेति॑ । उ॒त । सू॒नृता᳚ । प्रेति॑ । वाक् । दे॒वी । द॒दा॒तु॒ । नः॒ ॥ अ॒र्य॒मण᳚म् । बृह॒स्पति᳚म् । इन्द्र᳚म् । दाना॑य । चो॒द॒य॒ ॥ वाच᳚म् । विष्णु᳚म् । सर॑स्वतीम् । स॒वि॒तार᳚म् ।