मर॑ते॒ पतिः॑ ॥ नाहमि॑न्द्राणि रारण॒ सख्यु॑र् वृ॒षाक॑पेर्. ऋ॒ते । यस्ये॒दमप्यꣳ॑ ह॒विः प्रि॒यं दे॒वेषु॒ गच्छ॑ति ॥यो जा॒त ए॒व प्र॑थ॒मो मन॑स्वान् दे॒वो दे॒वान् क्रतु॑ना प॒र्यभू॑षत् । यस्य॒ शुष्मा॒द्रोद॑सी॒ अभ्य॑सेतां नृं॒णस्य॑ म॒ह्ना स ज॑नास॒ इन्द्रः॑ ॥ आ ते॑ म॒ह इ॑न्द्रो॒त्यु॑ग्र॒ सम॑न्यवो॒ यथ् स॒मर॑न्त॒ सेनाः᳚ । पता॑ति दि॒द्युन्नर्य॑स्य बाहु॒वोर् मा ते॒ - [ ]
पदपाठः (Word-by-word)
मर॑ते । पतिः॑ ॥ न । अ॒हम् । इ॒न्द्रा॒णि॒ । रा॒र॒ण॒ । सख्युः॑ । वृ॒षाक॑पे॒रिति॑ वृ॒षा - क॒पेः॒ । ऋ॒ते ॥ यस्य॑ । इ॒दम् । अप्य᳚म् । ह॒विः । प्रि॒यम् । दे॒वेषु॑ । गच्छ॑ति ॥ यः । जा॒तः । ए॒व । प्र॒थ॒मः । मन॑स्वान् । दे॒वः । दे॒वान् । क्रतु॑ना । प॒र्यभू॑ष॒दिति॑ परि - अभू॑षत् ॥ यस्य॑ । शुष्मा᳚त् । रोद॑सी॒ इति॑ । अभ्य॑सेताम् । नृ॒णंस्य॑ । म॒ह्ना । सः । ज॒ना॒सः॒ । इन्द्रः॑ ॥ ऐति॑ । ते॒ । म॒हः । इ॒न्द्र॒ । ऊ॒ती । उ॒ग्र॒ । सम॑न्यव॒ इति स - म॒न्य॒वः॒ । यत् । स॒मर॒न्तेति॑ सं - अर॑न्त । सेनाः᳚ ॥ पता॑ति । दि॒द्युत् । नर्य॑स्य । बा॒हु॒वोः । मा । ते॒ ।