मनो॑ विष्व॒द्रिय॒ग् वि चा॑रीत् ॥ मा नो॑ मर्द्धी॒रा भ॑रा द॒द्धि तन्नः॒ प्र दा॒शुषे॒ दात॑वे॒ भूरि॒ यत् ते᳚ । नव्ये॑ दे॒ष्णे श॒स्ते अ॒स्मिन् त॑ उ॒क्थे प्र ब्र॑वाम व॒यमि॑न्द्र स्तु॒वन्तः॑ ॥ आ तू भ॑र॒ माकि॑रे॒तत् परि॑ ष्ठाद् वि॒द्मा हि त्वा॒ वसु॑पतिं॒ ॅवसू॑नां । इन्द्र॒ यत् ते॒ माहि॑नं॒ दत्र॒-मस्त्य॒स्मभ्यं॒ तद्ध॑र्यश्व॒ - [ ]
पदपाठः (Word-by-word)
मनः॑ । वि॒ष्व॒द्रिय॒गिति॑ विष्व - द्रिय॑क् । वीति॑ । चा॒री॒त् ॥ मा । नः॒ । म॒र्द्धीः॒ । एति॑ । भ॒र॒ । द॒द्धि । तत् । नः॒ । प्रेति॑ । दा॒शुषे᳚ । दात॑वे । भूरि॑ । यत् । ते॒ ॥ नव्ये᳚ । दे॒ष्णे । श॒स्ते । अ॒स्मिन्न् । ते॒ । उ॒क्थे । प्रेति॑ । ब्र॒वा॒म॒ । व॒यम् । इ॒न्द्र॒ । स्तु॒वन्तः॑ ॥ एति॑ । तु । भ॒र॒ । माकिः॑ । ए॒तत् । परीति॑ । स्था॒त् । वि॒द्म । हि । त्वा॒ । वसु॑पति॒मिति॒ वसु॑ - प॒ति॒म् । वसू॑नाम् ॥ इन्द्र॑ । यत् । ते॒ । माहि॑नम् । दत्र᳚म् । अस्ति॑ । अ॒स्मभ्य॒मित्य॒स्म - भ्य॒म् । तत् । ह॒र्य॒श्वेति॑ हरि - अ॒श्व॒ ।