यजुर्वेद

पत॑यः । स्या॒म॒ ॥ तस्य॑ । व॒यम् । सु॒म॒ताविति॑ सु-म॒तौ । य॒ज्ञिय॑स्य । अपीति॑ । भ॒द्रे । सौ॒म॒न॒से । स्या॒म॒ ॥ सः । सु॒त्रामेति॑ सु - त्रामा᳚ । स्ववा॒निति॒ स्व-वा॒न् । इन्द्रः॑ । अ॒स्मे इति॑ । आ॒रात् । चि॒त् । द्वेषः॑ । स॒नु॒तः । यु॒यो॒तु॒ ॥ रे॒वतीः᳚ । नः॒ । स॒ध॒माद॒ इति॑ सध - मादः॑ । इन्द्रे᳚ । स॒न्तु॒ । तु॒विवा॑जा॒ इति॑ तु॒वि - वा॒जाः॒ ॥ क्षु॒मन्तः॑ । याभिः॑ । मदे॑म ॥ प्रो इति॑ । स्विति॑ । अ॒स्मै॒ । पु॒रो॒र॒थमिति॑ पुरः - र॒थम् । इन्द्रा॑य । शू॒षम् । अ॒र्च॒त॒ ॥ अ॒भीके᳚ । चि॒त् । उ॒ । लो॒क॒कृदिति॑ लोक - कृत् । स॒ङ्गे । स॒मथ्स्विति॑ स॒मत् - सु॒ । वृ॒त्र॒हेति॑ वृत्र - हा ॥ अ॒स्माक᳚म् । बो॒धि॒ । चो॒दि॒ता । नभ॑न्ताम् । अ॒न्य॒केषा᳚म् ॥ ज्या॒काः । अधीति॑ ( ) । धन्व॒स्विति॒ धन्व॑ - सु॒ ॥