यं ॅवै प्र॒जाः प॑रा॒भव॑न्ती॒रनु॑ गृह्णाति॒ प्रत्या॒भव॑न्तीर् गृह्णाति॒ य ए॒वं ॅवेद॒ प्रत्ये॒व ति॑ष्ठ॒त्यथ॒ वै तामुपा᳚ह्व॒ इति॑ होवाच॒ यस्यै॑ नि॒क्रम॑णे घृ॒तं प्र॒जाः स॒ञ्ज॑007आ;व॑न्तीः॒ पिब॒न्तीति॑ छि॒नत्ति॒ सा न छि॑न॒त्ती (3) इति॒ न छि॑न॒त्तीति॑ होवाच॒ प्र तु ज॑नय॒तीत्ये॒ष वा इडा॒मुपा᳚ह्वथा॒ इति॑ ( ) होवाच॒ वृष्टि॒र्॒.वा इडा॒ वृष्ट्यै॒ वै नि॒क्रम॑णे घृ॒तं प्र॒जाः स॒ञ्ज॑007आ;व॑न्तीः पिबन्ति॒ य ए॒वं ॅवेद॒ प्रैव जा॑यतेऽन्ना॒दो भ॑वति ॥
पदपाठः (Word-by-word)
इ॒यम् । वै । प्र॒जा इति॑ प्र - जाः । प॒रा॒भव॑न्ती॒रिति॑ परा - भव॑न्तीः । अन्विति॑॑ । गृ॒ह्णा॒ति॒ । प्रतीति॑ । आ॒भव॑न्ती॒रित्या᳚ - भव॑न्तीः । गृ॒ह्णा॒ति॒ । यः । ए॒वम् । वेद॑ । प्रतीति॑ । ए॒व । ति॒ष्ठ॒ति॒ । अथ॑ । वै । ताम् । उपेति॑ । अ॒ह्वे॒ । इति॑ । ह॒ । उ॒वा॒च॒ । यस्यै᳚ । नि॒क्रम॑ण॒ इति॑ नि - क्रम॑णे । घृ॒तम् । प्र॒जा इति॑ प्र - जाः । स॒जींव॑न्ती॒रिति॑ सं - जीव॑न्तीः । पिब॑न्ति । इति॑ । छि॒नत्ति॑ । सा । न । छि॒न॒त्ती(3) । इति॑ । न । छि॒न॒त्ति॒ । इति॑ । ह॒ । उ॒वा॒च॒ । प्रेति॑ । तु । ज॒न॒य॒ति॒ । इति॑ । ए॒षः । वै । इडा᳚म् । उपेति॑ । अ॒ह्व॒थाः॒ । इति॑ ( ) । ह॒ । उ॒वा॒च॒ । वृष्टिः॑ । वै । इडा᳚ । वृष्ट्यै᳚ । वै । नि॒क्रम॑ण॒ इति॑ नि - क्रम॑णे । घृ॒तम् । प्र॒जा इति॑ प्र - जाः । स॒जींव॑न्ती॒रिति॑ सं - जीव॑न्तीः । पि॒ब॒न्ति॒ । यः । ए॒वम् । वेद॑ । प्रेति॑ । ए॒व । जा॒य॒ते॒ । अ॒न्ना॒द इत्य॑न्न - अ॒दः । भ॒व॒ति॒ ॥