यज॑मानस्या॒ऽऽयत॑नं॒ ॅयद्वेदि॒र्यत् पू᳚र्णपा॒त्र-म॑न्तर्वे॒दि नि॒नय॑ति॒ स्व ए॒वाऽऽय॑तने सू॒यव॑सꣳ॒॒ सोद॑कं कुरुते॒ सद॑सि॒ सन्मे॑ भूया॒ इत्या॒हाऽऽपो॒ वै य॒ज्ञ् आपो॒ऽमृतं॑ ॅय॒ज्ञ्मे॒वामृत॑-मा॒त्मन् ध॑त्ते॒ सर्वा॑णि॒ वै भू॒तानि॑ व्र॒त-मु॑प॒यन्त॒ -मनूप॑ यन्ति॒ प्राच्यां᳚ दि॒शि दे॒वा ऋ॒त्विजो॑ मार्जयन्ता॒-मित्या॑है॒ष वै द॑र्.शपूर्णमा॒सयो॑-रवभृ॒थो -[ ]
पदपाठः (Word-by-word)
यज॑मानस्य । आ॒यत॑न॒मित्या᳚ - यत॑नम् । यत् । वेदिः॑ । यत् । पू॒र्ण॒पा॒त्रमिति॑ पूर्ण - पा॒त्रम् । अ॒न्त॒र्वे॒दीत्य॑न्तः - वे॒दि । नि॒नय॒तीति॑ नि - नय॑ति । स्वे । ए॒व । आ॒यत॑न॒ इत्या᳚ - यत॑ने । सू॒यव॑स॒मिति॑ सु - यव॑सम् । सोद॑क॒मिति॒ स - उ॒द॒क॒म् । कु॒रु॒ते॒ । सत् । अ॒सि॒ । सत् । मे॒ । भू॒याः॒ । इति॑ । आ॒ह॒ । आपः॑ । वै । य॒ज्ञ्ः । आपः॑ । अ॒मृत᳚म् । य॒ज्ञ्म् । ए॒व । अ॒मृत᳚म् । आ॒त्मन्न् । ध॒त्ते॒ । सर्वा॑णि । वै । भू॒तानि॑ । व्र॒तम् । उ॒प॒यन्त॒मित्यु॑प - यन्त᳚म् । अनु॑ । उपेति॑ । य॒न्ति॒ । प्राच्या᳚म् । दि॒शि । दे॒वाः । ऋ॒त्विजः॑ । मा॒र्ज॒य॒न्ता॒म् । इति॑ । आ॒ह॒ । ए॒षः । वै । द॒र्॒.श॒पू॒र्ण॒मा॒सयो॒रिति॑ दर्.श - पू॒र्ण॒मा॒सयोः᳚ । अ॒व॒भृ॒थ इत्य॑व - भृ॒थः ।