यजुर्वेद

यु॒ष्मानी॑तः । अभ॑यम् । ज्योतिः॑ । अ॒श्या॒म् ॥ आ॒दि॒त्याना᳚म् । अव॑सा । नूत॑नेन । स॒क्षी॒महि॑ । शर्म॑णा । शन्त॑मे॒नेति॒ शं - त॒मे॒न॒ ॥ अ॒ना॒गा॒स्त्व इत्य॑नागाः-त्वे । अ॒दि॒ति॒त्व इत्य॑दिति - त्वे । तु॒रासः॑ । इ॒मम् । य॒ज्ञ्म् । द॒ध॒तु॒ । श्रोष॑माणाः ॥ इ॒मम् । मे॒ । व॒रु॒ण॒ । श्रु॒ध॒ । हव᳚म् । अ॒द्य । च॒ । मृ॒ड॒य॒ ॥ त्वाम् । अ॒व॒स्युः । एति॑ । च॒के॒ ॥ तत् । त्वा॒ । या॒मि॒ । ब्रह्म॑णा । वन्द॑मानः । तत् । एति॑ । शा॒स्ते॒ । यज॑मानः । ह॒विर्भि॒रिति॑ ह॒विः - भिः॒ ॥ अहे॑डमानः । व॒रु॒ण॒ । इ॒ह । बो॒धि॒ । उरु॑शꣳ॒॒सेत्युरु॑ - शꣳ॒॒स॒ । मा । नः॒ । आयुः॑ । प्रेति॑ । मो॒षीः॒ ॥