ॅव॒शामा ल॑भेतै॒न्द्रमु॒क्षाणं॒ ॅवरु॑णेनै॒व भ्रातृ॑व्यं ग्राहयि॒त्वा विष्णु॑ना य॒ज्ञेन॒ प्रणु॑दत ऐ॒न्द्रेणै॒वास्ये᳚न्द्रि॒यं ॅवृ॑ङ्क्ते॒ भव॑त्या॒त्मना॒ परा᳚स्य॒ भ्रातृ॑व्यो भव॒तीन्द्रो॑ वृ॒त्रम॑ह॒न् तं ॅवृ॒त्रो ह॒तः षो॑ड॒शभि॑-र्भो॒गैर॑सिना॒त् तस्य॑ वृ॒त्रस्य॑ शीर्.ष॒तो गाव॒ उदा॑य॒न् ता वै॑दे॒ह्यो॑ऽभव॒न् तासा॑मृष॒भो ज॒घनेऽनूदै॒त् तमिन्द्रो॑ - [ ]
पदपाठः (Word-by-word)
व॒शाम् । एति॑ । ल॒भे॒त॒ । ऐ॒न्द्रम् । उ॒क्षाण᳚म् । वरु॑णेन । ए॒व । भ्रातृ॑व्यम् । ग्रा॒ह॒यि॒त्वा । विष्णु॑ना । य॒ज्ञेन॑ । प्रेति॑ । नु॒द॒ते॒ । ऐ॒न्द्रेण॑ । ए॒व । अ॒स्य॒ । इ॒न्द्रि॒यम् । वृ॒ङ्क्ते॒ । भव॑ति । आ॒त्मना᳚ । परेति॑ । अ॒स्य॒ । भ्रातृ॑व्यः । भ॒व॒ति॒ । इन्द्रः॑ । वृ॒त्रम् । अ॒ह॒न्न् । तम् । वृ॒त्रः । ह॒तः । षो॒ड॒शभि॒रिति॑ षोड॒श - भिः॒ । भो॒गैः । अ॒सि॒ना॒त् । तस्य॑ । वृ॒त्रस्य॑ । शी॒र्.॒ष॒तः । गावः॑ । उदिति॑ । आ॒य॒न्न् । ताः । वै॒दे॒ह्यः॑ । अ॒भ॒व॒न्न् । तासा᳚म् । ऋ॒ष॒भः । ज॒घने᳚ । अनु॑ । उदिति॑ । ऐ॒त् । तम् । इन्द्रः॑ ।