ऽचाय॒थ् सो॑ऽमन्यत॒ यो वा इ॒ममा॒लभे॑त॒ मुच्ये॑ता॒स्मात् पा॒प्मन॒ इति॒ स आ᳚ग्ने॒यं कृ॒ष्णग्री॑व॒मा ल॑भतै॒न्द्रमृ॑ष॒भं तस्या॒ग्निरे॒व स्वेन॑ भाग॒धेये॒नोप॑ सृतः षोडश॒धा वृ॒त्रस्य॑ भो॒गानप्य॑दहदै॒न्द्रेणे᳚न्द्रि॒य- मा॒त्मन्न॑धत्त॒ यः पा॒प्मना॑ गृही॒तः स्याथ् स आ᳚ग्ने॒यं कृ॒ष्णग्री॑व॒मा ल॑भेतै॒न्द्रमृ॑ष॒भ-म॒ग्निरे॒वास्य॒ स्वेन॑ भाग॒धेये॒नोप॑सृतः - [ ]
पदपाठः (Word-by-word)
अ॒चा॒य॒त् । सः । अ॒म॒न्य॒त॒ । यः । वै । इ॒मम् । आ॒लभे॒तेत्या᳚ - लभे॑त । मुच्ये॑त । अ॒स्मात् । पा॒प्मनः॑ । इति॑ । सः । आ॒ग्ने॒यम् । कृ॒ष्णग्री॑व॒मिति॑ कृ॒ष्ण - ग्री॒व॒म् । एति॑ । अ॒ल॒भ॒त॒ । ऐ॒न्द्रम् । ऋ॒ष॒भम् । तस्य॑ । अ॒ग्निः । ए॒व । स्वेन॑ । भा॒ग॒धेये॒नेति॑ भाग - धेये॑न । उप॑सृत॒ इत्युप॑ - सृ॒तः॒ । षो॒ड॒श॒धेति॑ षोडश-धा । वृ॒त्रस्य॑ । भो॒गान् । अपीति॑ । अ॒द॒ह॒त् । ऐ॒न्द्रेण॑ । इ॒न्द्रि॒यम् । आ॒त्मन्न् । अ॒ध॒त्त॒ । यः । पा॒प्मना᳚ । गृ॒ही॒तः । स्यात् । सः । आ॒ग्ने॒यम् । कृ॒ष्णग्री॑व॒मिति॑ कृ॒ष्ण - ग्री॒व॒म् । एति॑ । ल॒भे॒त॒ । ऐ॒न्द्रम् । ऋ॒ष॒भम् । अ॒ग्निः । ए॒व । अ॒स्य॒ । स्वेन॑ । भा॒ग॒धेये॒नेति॑ भाग - धेये॑न । उप॑सृत॒ इत्युप॑ - सृ॒तः॒ ।