यजुर्वेद

अ॒भ्य॒ङ्क्त इत्य॑भि - अ॒ङ्क्ते । तस्यै᳚ । दु॒श्चर्मेति॑ दुः - चर्मा᳚ । या । प्र॒लि॒खत॒ इति॑ प्र - लि॒खते᳚ । तस्यै᳚ । ख॒ल॒तिः । अ॒प॒मा॒रीत्य॑प - मा॒री । या । आ॒ङ्क्त इत्या᳚ - अ॒ङ्क्ते । तस्यै᳚ । का॒णः । या । द॒तः । धाव॑ते । तस्यै᳚ । श्या॒वद॒न्निति॑ श्या॒व - द॒न्न् । या । न॒खानि॑ । नि॒कृ॒न्तत॒ इति॑ नि - कृ॒न्तते᳚ । तस्यै᳚ । कु॒न॒खी । या । कृ॒णत्ति॑ । तस्यै᳚ । क्ली॒बः । या । रज्जु᳚म् । सृ॒जति॑ । तस्याः᳚ । उ॒द्बन्धु॑क॒ इत्यु॑त् - बन्धु॑कः । या । प॒र्णेन॑ । पिब॑ति । तस्याः᳚ । उ॒न्मादु॑क॒ इत्यु॑त् - मादु॑कः । या । ख॒र्वेण॑ । पिब॑ति । तस्यै᳚ । ख॒र्वः । ति॒स्रः । रात्रीः᳚ । व्र॒तम् । च॒रे॒त् । अ॒ञ्ज॒लिना᳚ । वा॒ । पिबे᳚त् । अख॑र्वेण । वा॒ ( ) । पात्रे॑ण । प्र॒जाया॒ इति॑ प्र - जायै᳚ । गो॒पी॒थाय॑ ॥