यजुर्वेद

अवेति॑ । रु॒न्धे॒ । चतु॑श्चत्वारिꣳशत॒मिति॒ चतुः॑ - च॒त्वा॒रिꣳ॒॒श॒त॒म् । अन्विति॑ । ब्रू॒या॒त् । इ॒न्द्रि॒यका॑म॒स्येती᳚न्द्रि॒य - का॒म॒स्य॒ । चतु॑श्चत्वारिꣳशदक्ष॒रेति॒ चतु॑श्चत्वारिꣳशत् - अ॒क्ष॒रा॒ । त्रि॒ष्टुक् । इ॒न्द्रि॒यम् । त्रि॒ष्टुप् । त्रि॒ष्टुभा᳚ । ए॒व । अ॒स्मै॒ । इ॒न्द्रि॒यम् । अवेति॑ । रु॒न्धे॒ । अ॒ष्टाच॑त्वारिꣳशत॒मित्य॒ष्टा - च॒त्वा॒रिꣳ॒॒श॒त॒म् । अन्विति॑ । ब्रू॒या॒त् । प॒शुका॑म॒स्येति॑ प॒शु - का॒म॒स्य॒ । अ॒ष्टाच॑त्वारिꣳशदक्ष॒रेत्य॒ष्टाच॑त्वारिꣳशत् - अ॒क्ष॒रा॒ । जग॑ती । जाग॑ताः । प॒शवः॑ । जग॑त्या । ए॒व । अ॒स्मै॒ । प॒शून् । अवेति॑ । रु॒न्धे॒ । सर्वा॑णि । छन्दाꣳ॑सि । अन्विति॑ । ब्रू॒या॒त् । ब॒हु॒या॒जिन॒ इति॑ बहु - या॒जिनः॑ । सर्वा॑णि । वै । ए॒तस्य॑ । छन्दाꣳ॑सि । अव॑रुद्धा॒नीत्यव॑ - रु॒द्धा॒नि॒ । यः । ब॒हु॒या॒जीति॑ बहु - या॒जी । अप॑रिमित॒मित्यप॑रि - मि॒त॒म् । अन्विति॑ । ब्रू॒या॒त् । अप॑रिमित॒स्येत्यप॑रि - मि॒त॒स्य॒ । अव॑रुद्ध्या॒ इत्यव॑ - रु॒द्ध्यै॒ ॥