वि॒शे जना॑य॒ महि॒ शर्म॑ यच्छतं । दी॒र्घप्र॑यज्यु॒मति॒ यो व॑नु॒ष्यति॑ व॒यं ज॑येम॒ पृत॑नासु दू॒ढ्यः॑ ॥ आ नो॑मित्रावरुणा॒प्रबा॒हवा᳚॥त्वं नो॑ अग्ने॒ वरु॑णस्य वि॒द्वान् दे॒वस्य॒ हेडोऽव॑ यासि सीष्ठाः । यजि॑ष्ठो॒ वह्नि॑ तमः॒ शोशु॑चानो॒ विश्वा॒ द्वेषाꣳ॑सि॒ प्रमु॑मुग्ध्य॒स्मत् ॥स त्वंनो॑ अग्नेऽव॒मो भ॑वो॒ती नेदि॑ष्ठो अ॒स्या उ॒षसो॒ व्यु॑ष्टौ । अव॑ यक्ष्व नो॒ वरु॑णꣳ॒॒ - [ ]
पदपाठः (Word-by-word)
वि॒शे । जना॑य । महि॑ । शर्म॑ । य॒च्छ॒त॒म् ॥ दी॒र्घप्र॑यज्यु॒मिति॑ दी॒र्घ - प्र॒य॒ज्यु॒म् । अतीति॑ । यः । व॒नु॒ष्यति॑ । व॒यम् । ज॒ये॒म॒ । पृत॑नासु । दू॒ढ्यः॑ ॥ एति॑ । नः॒ । मि॒त्रा॒व॒रु॒णेति॑ मित्रा - व॒रु॒णा॒ । प्रेति॑ । बा॒हवा᳚ ॥ त्वम् । नः॒ । अ॒ग्ने॒ । वरु॑णस्य । वि॒द्वान् । दे॒वस्य॑ । हेडः॑ । अवेति॑ । या॒सि॒सी॒ष्ठाः॒ ॥ यजि॑ष्ठः । वह्नि॑तम॒ इति॒ वह्नि॑-त॒मः॒ । शोशु॑चानः । विश्वा᳚ । द्वेषाꣳ॑सि । प्रेति॑ । मु॒मु॒ग्धि॒ । अ॒स्मत् ॥ सः । त्वम् । नः॒ । अ॒ग्ने॒ । अ॒व॒मः । भ॒व॒ । ऊ॒ती । नेदि॑ष्ठः । अ॒स्याः । उ॒षसः॑ । व्यु॑ष्टा॒विति॒ वि - उ॒ष्टौ॒ ॥ अवेति॑ । य॒क्ष्व॒ । नः॒ । वरु॑णम् ।