ररा॑णो वी॒हि मृ॑डी॒कꣳ सु॒हवो॑ न एधि ॥प्रप्रा॒यम॒ग्निर्भ॑र॒तस्य॑ शृण्वे॒ वि यथ् सूर्यो॒ न रोच॑ते बृ॒हद्भाः । अ॒भि यः पू॒रुं पृत॑नासु त॒स्थौ दी॒दाय॒ दैव्यो॒ अति॑थिः शि॒वो नः॑ ॥प्र ते॑ यक्षि॒ प्र त॑ इयर्मि॒ मन्म॒ भुवो॒ यथा॒ वन्द्यो॑ नो॒ हवे॑षु । धन्व॑न्निव प्र॒पा अ॑सि॒ त्वम॑ग्न इय॒क्षवे॑ पू॒रवे᳚ प्रत्न राजन्न् ॥
पदपाठः (Word-by-word)
ररा॑णः । वी॒हि । मृ॒डी॒कम् । सु॒हव॒ इति॑ सु - हवः॑ । नः॒ । ए॒धि॒ ॥ प्रप्रेति॒ प्र - प्र॒ । अ॒यम् । अ॒ग्निः । भ॒र॒तस्य॑ । शृ॒ण्वे॒ । वीति॑ । यत् । सूर्यः॑ । न । रोच॑ते । बृ॒हत् । भाः ॥ अ॒भीति॑ । यः । पू॒रुम् । पृत॑नासु । त॒स्थौ । दी॒दाय॑ । दैव्यः॑ । अति॑थिः । शि॒वः । नः॒ ॥ प्रेति॑ । ते॒ । य॒क्षि॒ । प्रेति॑ । ते॒ । इ॒य॒र्मि॒ । मन्म॑ । भुवः॑ । यथा᳚ । वन्द्यः॑ । नः॒ । हवे॑षु ॥ धन्वन्न्॑ । इ॒व॒ । प्र॒पेति॑ प्र - पा । अ॒सि॒ । त्वम् । अ॒ग्ने॒ । इ॒य॒क्षवे᳚ । पू॒रवे᳚ । प्र॒त्न॒ । रा॒ज॒न्न् ॥