यजुर्वेद

सर्व᳚म् । वृ॒ङ्क्ते॒ । पौ॒र्ण॒मा॒सीमिति॑ पौर्ण - मा॒सीम् । ए॒व । य॒जे॒त॒ । भ्रातृ॑व्यवा॒निति॒ भ्रातृ॑व्य - वा॒न् । न । अ॒मा॒वा॒स्या॑मित्य॑मा-वा॒स्या᳚म् । ह॒त्वा । भ्रातृ॑व्यम् । न । एति॑ । प्या॒य॒य॒ति॒ । सा॒क॒प्रं॒स्था॒यीये॒नेति॑ साकं - प्र॒स्था॒यीये॑न । य॒जे॒त॒ । प॒शुका॑म॒ इति॑ प॒शु - का॒मः॒ । यस्मै᳚ । वै । अल्पे॑न । आ॒हर॒न्तीत्या᳚ - हर॑न्ति । न । आ॒त्मना᳚ । तृप्य॑ति । न । अ॒न्यस्मै᳚ । द॒दा॒ति॒ । यस्मै᳚ । म॒ह॒ता । तृप्य॑ति । आ॒त्मना᳚ । ददा॑ति । अ॒न्यस्मै᳚ । म॒ह॒ता । पू॒र्णम् । हो॒त॒व्य᳚म् । तृ॒प्तः । ए॒व । ए॒न॒म् । इन्द्रः॑ । प्र॒जयेति॑ प्र - जया᳚ । प॒शुभि॒रिति॑ प॒शु-भिः॒ । त॒र्प॒य॒ति॒ । दा॒रु॒पा॒त्रेणेति॑ दारु - पा॒त्रेण॑ । जु॒हो॒ति॒ । न । हि । मृ॒न्मय॒मिति॑ मृत् - मय᳚म् । आहु॑ति॒मित्या - हु॒ति॒म् । आ॒न॒शे । औदु॑बंरम् ।