-मे॒वैभ्यो॑ ह॒व्यं ॅव॑हत्ये॒तद्वै दे॒वाना॑मा॒स्यं॑ ॅयद्-द॑र्.शपूर्णमा॒सौ य ए॒वं ॅवि॒द्वान् द॑र्.शपूर्णमा॒सौ यज॑ते सा॒क्षादे॒व दे॒वाना॑मा॒स्ये॑ जुहोत्ये॒ष वै ह॑विर्द्धा॒नी यो द॑र्.शपूर्णमासया॒जी सा॒यंप्रा॑तरग्निहो॒त्रं जु॑होति॒ यज॑ते दर्.शपूर्णमा॒सा-वह॑रहर्.-हविर्द्धा॒निनाꣳ॑ सु॒तो य ए॒वं ॅवि॒द्वान् द॑र्.शपूर्णमा॒सौ यज॑ते हविर्द्धा॒न्य॑स्मीति॒ सर्व॑मे॒वास्य॑ बर्.हि॒ष्यं॑ द॒त्तं भ॑वति दे॒वावा अह॑ - [ ]
पदपाठः (Word-by-word)
ए॒व । ए॒भ्यः॒ । ह॒व्यम् । व॒ह॒ति॒ । ए॒तत् । वै । दे॒वाना᳚म् । आ॒स्य᳚म् । यत् । द॒र्.॒श॒पू॒र्ण॒मा॒साविति॑ दर्.श-पू॒र्ण॒मा॒सौ । यः । ए॒वम् । वि॒द्वान् । द॒र्.॒श॒पू॒र्ण॒मा॒साविति॑ दर्.श - पू॒र्ण॒मा॒सौ । यज॑ते । सा॒क्षादिति॑ स - अ॒क्षात् । ए॒व । दे॒वाना᳚म् । आ॒स्ये᳚ । जु॒हो॒ति॒ । ए॒षः । वै । ह॒वि॒र्द्धा॒नीति॑ हविः - धा॒नी । यः । द॒र्.॒श॒पू॒र्ण॒मा॒स॒या॒जीति॑ दर्.शपूर्णमास - या॒जी । सा॒यंप्रा॑त॒रिति॑ सा॒यं - प्रा॒तः॒ । अ॒ग्नि॒हो॒त्रमित्य॑ग्नि - हो॒त्रम् । जु॒हो॒ति॒ । यज॑ते । द॒र्.॒श॒पू॒र्ण॒मा॒साविति॑ दर्.श - पू॒र्ण॒मा॒सौ । अह॑रह॒रित्यहः॑ - अ॒हः॒ । ह॒वि॒र्द्धा॒निना॒मिति॑ हविः - धा॒निना᳚म् । सु॒तः । यः । ए॒वम् । वि॒द्वान् । द॒र्.॒श॒पू॒र्ण॒मा॒साविति॑ दर्.श - पू॒र्ण॒मा॒सौ । यज॑ते । ह॒वि॒र्द्धा॒नीति॑ हविः - धा॒नी । अ॒स्मि॒ । इति॑ । सर्व᳚म् । ए॒व । अ॒स्य॒ । ब॒र्॒.हि॒ष्य᳚म् । द॒त्तम् । भ॒व॒ति॒ । दे॒वाः । वै । अहः॑ ।