जनये॒दा व॑ह दे॒वान्. यज॑माना॒येत्या॑ह॒ यज॑मानमे॒वैतेन॑ वर्द्धयत्य॒ग्निम॑ग्न॒ आ व॑ह॒ सोम॒मा व॒हेत्या॑ह दे॒वता॑ ए॒व तद्-य॑थापू॒र्वमुप॑ ह्वयत॒ आ चा᳚ग्ने दे॒वान्. वह॑ सु॒यजा॑ च यज जातवेद॒ इत्या॑हा॒ग्निमे॒व तथ् सꣳ श्य॑ति॒ सो᳚ऽस्य॒ सꣳशि॑तो दे॒वेभ्यो॑ ह॒व्यं ॅव॑हत्य॒ग्निर्. होते - [ ]
पदपाठः (Word-by-word)
ज॒न॒ये॒त् । एति॑ । व॒ह॒ । दे॒वान् । यज॑मानाय । इति॑ । आ॒ह॒ । यज॑मानम् । ए॒व । ए॒तेन॑ । व॒द्र्ध॒य॒ति॒ । अ॒ग्निम् । अ॒ग्ने॒ । एति॑ । व॒ह॒ । सोम᳚म् । एति॑ । व॒ह॒ । इति॑ । आ॒ह॒ । दे॒वताः᳚ । ए॒व । तत् । य॒था॒पू॒र्वमिति॑ यथा - पू॒र्वम् । उपेति॑ । ह्व॒य॒ते॒ । एति॑ । च॒ । अ॒ग्ने॒ । दे॒वान् । वह॑ । सु॒यजेति॑ सु - यजा᳚ । च॒ । य॒ज॒ । जा॒त॒वे॒द॒ इति॑ जात-वे॒दः॒ । इति॑ । आ॒ह॒ । अ॒ग्निम् । ए॒व । तत् । समिति॑ । श्य॒ति॒ । सः । अ॒स्य॒ । सꣳशि॑त॒ इति॒ सं - शि॒तः॒ । दे॒वेभ्यः॑ । ह॒व्यम् । व॒ह॒ति॒ । अ॒ग्निः । होता᳚ ।