ऽय॒स्मयं॒ ॅवि चृ॑ता ब॒न्धमे॒तं । य॒मेन॒ त्वं ॅय॒म्या॑ सं ॅविदा॒नोत्त॒मं नाक॒मधि॑ रोहये॒मं ॥ यत्ते॑ दे॒वी निर्.ऋ॑तिराब॒बन्ध॒ दाम॑ ग्री॒वास्व॑ विच॒र्त्यं । इ॒दं ते॒ तद् विष्यां॒ ॅयायु॑षो॒ न मद्ध्या॒दथा॑ जी॒वः पि॒तुम॑द्धि॒ प्रमु॑क्तः ॥ यस्या᳚स्ते अ॒स्याः क्रू॒र आ॒सञ्जु॒होम्ये॒षां ब॒न्धाना॑मव॒सर्ज॑नाय । भूमि॒रिति॑ त्वा॒ जना॑ वि॒दुर्निर्.ऋ॑ति॒ - [ ]
पदपाठः (Word-by-word)
अ॒य॒स्मय᳚म् । वीति॑ । चृ॒त॒ । ब॒न्धम् । ए॒तम् ॥ य॒मेन॑ । त्वम् । य॒म्या᳚ । सं॒ॅवि॒दा॒नेति॑ सं - वि॒दा॒ना । उ॒त्त॒ममित्यु॑त् - त॒मम् । नाक᳚म् । अधीति॑ । रो॒ह॒य॒ । इ॒मम् ॥ यत् । ते॒ । दे॒वी । निर्.ऋ॑ति॒रिति॒ निः - ऋ॒तिः॒ । आ॒ब॒बन्धेत्या᳚ - ब॒बन्ध॑ । दाम॑ । ग्री॒वासु॑ । अ॒वि॒च॒र्त्यमित्य॑वि - च॒र्त्यम् ॥ इ॒दम् । ते॒ । तत् । वीति॑ । स्या॒मि॒ । आयु॑षः । न । मद्ध्या᳚त् । अथ॑ । जी॒वः । पि॒तुम् । अ॒द्धि॒ । प्रमु॑क्त॒ इति॒ प्र - मु॒क्तः॒ ॥ यस्याः᳚ । ते॒ । अ॒स्याः । क्रू॒रे । आ॒सन्न् । जु॒होमि॑ । ए॒षाम् । ब॒न्धाना᳚म् । अ॒व॒सर्ज॑ना॒येत्य॑व-सर्ज॑नाय ॥ भूमिः॑ । इति॑ । त्वा॒ । जनाः᳚ । वि॒दुः । निर्.ऋ॑ति॒रिति॒ निः - ऋ॒तिः॒ ।