-जिघाꣳस॒न्थ्स ए॒तद्-रा᳚क्षो॒घ्नम॑पश्य॒त् तेन॒ वै सरक्षाꣳ॒॒स्यपा॑ऽहत॒ यद्-रा᳚क्षो॒घ्नं भव॑त्य॒ग्नेरे॒व तेन॑ जा॒ताद्-रक्षाꣳ॒॒स्यप॑ ह॒न्त्याश्व॑त्थी॒मा द॑धात्यश्व॒त्थो वै वन॒स्पती॑नाꣳ सपत्नसा॒हो विजि॑त्यै॒ वैक॑ङ्कती॒मा द॑धाति॒ भा ए॒वाव॑ रुन्धे शमी॒मयी॒मा द॑धाति॒ शान्त्यै॒ सꣳशि॑तं मे॒ ब्रह्मोदे॑षां बा॒हू अ॑तिर॒मित्यु॑त्त॒मे औदु॑म्बरी - [ ]
पदपाठः (Word-by-word)
अ॒जि॒घाꣳ॒॒स॒न्न् । सः । ए॒तत् । रा॒क्षो॒घ्नमिति॑ राक्षः-घ्नम् । अ॒प॒श्य॒त् । तेन॑ । वै । सः । रक्षाꣳ॑सि । अपेति॑ । अ॒ह॒त॒ । यत् । रा॒क्षो॒घ्नमिति॑ राक्षः - घ्नम् । भव॑ति । अ॒ग्नेः । ए॒व । तेन॑ । जा॒तात् । रक्षाꣳ॑सि । अपेति॑ । ह॒न्ति॒ । आश्व॑त्थीम् । एति॑ । द॒धा॒ति॒ । अ॒श्व॒त्थः । वै । वन॒स्पती॑नाम् । स॒प॒त्न॒सा॒ह इति॑ सपत्न - सा॒हः । विजि॑त्या॒ इति॒ वि - जि॒त्यै॒ । वैक॑ङ्कतीम् । एति॑ । द॒धा॒ति॒ । भाः । ए॒व । अवेति॑ । रु॒न्धे॒ । श॒मी॒मयी॒मिति॑ शमी - मयी᳚म् । एति॑ । द॒धा॒ति॒ । शान्त्यै᳚ । सꣳशि॑त॒मिति॒ सं-शि॒त॒म् । मे॒ । ब्रह्म॑ । उदिति॑ । ए॒षा॒म् । बा॒हू इति॑ । अ॒ति॒र॒म् । इति॑ । उ॒त्त॒मे इत्यु॑त् - त॒मे । औदु॑बंरी॒ इति॑ ।