यजुर्वेद

प॒दे इति॑ । अथो॒ इति॑ । प्रति॑ष्ठित्या॒ इति॒ प्रति॑ - स्थि॒त्यै॒ । प्रेति॑ । अ॒न्याभिः॑ । यच्छ॑ति । अन्विति॑ । अ॒न्यैः । म॒न्त्र॒य॒ते॒ । मि॒थु॒न॒त्वायेति॑ मिथुन - त्वाय॑ । त्र्यु॑द्धि॒मिति॒ त्रि - उ॒द्धि॒म् । क॒रो॒ति॒ । त्रयः॑ । इ॒मे । लो॒काः । ए॒षाम् । लो॒काना᳚म् । आप्त्यै᳚ । छन्दो॑भि॒रिति॒ छन्दः॑-भिः॒ । क॒रो॒ति॒ । वी॒र्य᳚म् । वै । छन्दाꣳ॑सि । वी॒र्ये॑ण । ए॒व । ए॒ना॒म् । क॒रो॒ति॒ । यजु॑षा । बिल᳚म् । क॒रो॒ति॒ । व्यावृ॑त्त्या॒ इति॑ वि - आवृ॑त्त्यै । इय॑तीम् । क॒रो॒ति॒ । प्र॒जाप॑ति॒नेति॑ प्र॒जा - प॒ति॒ना॒ । य॒ज्ञ्॒मु॒खेनेति॑ यज्ञ्-मु॒खेन॑ । संमि॑ता॒मिति॒ सं - मि॒ता॒म् । द्वि॒स्त॒नामिति॑ द्वि - स्त॒नाम् । क॒रो॒ति॒ । द्यावा॑पृथि॒व्योरिति॒ द्यावा᳚ - पृ॒थि॒व्योः । दोहा॑य । चतुः॑स्तना॒मिति॒ चतुः॑ - स्त॒ना॒म् । क॒रो॒ति॒ । प॒शू॒नाम् । दोहा॑य । अ॒ष्टास्त॑ना॒मित्य॒ष्टा - स्त॒ना॒म् । क॒रो॒ति॒ । छन्द॑साम् । दोहा॑य । नवा᳚श्रि॒मिति॒ नव॑ - अ॒श्रि॒म् । अ॒भि॒चर॑त॒ इत्य॑भि - चर॑तः ( ) । कु॒र्या॒त् । त्रि॒वृत॒मिति॑ त्रि - वृत᳚म् । ए॒व । वज्र᳚म् । स॒भृंत्येति॑ सं - भृत्य॑ । भ्रातृ॑व्याय । प्रेति॑ । ह॒र॒ति॒ । स्तृत्यै᳚ । कृ॒त्वाय॑ । सा । म॒हीम् । उ॒खाम् । इति॑ । नीति॑ । द॒धा॒ति॒ । दे॒वता॑सु । ए॒व । ए॒ना॒म् । प्रतीति॑ । स्था॒प॒य॒ति॒ ॥