-त्या॑ह॒ तस्मा॑द॒ग्निः सर्वा॒ दिशोऽनु॒ विभा॒त्युत्ति॑ष्ठ बृह॒ती भ॑वो॒र्द्ध्वा ति॑ष्ठ ध्रु॒वा त्वमित्या॑ह॒ प्रति॑ष्ठित्या असु॒र्यं॑ पात्र॒मना᳚च्छृण्ण॒मा-च्छृ॑णत्ति देव॒त्रा-ऽक॑रजक्षी॒रेणा-ऽऽ*च्छृ॑णत्ति पर॒मं ॅवा ए॒तत् पयो॒ यद॑जक्षी॒रं प॑र॒मेणै॒वैनां॒ पय॒साऽऽच्छृ॑णत्ति॒ यजु॑षा॒ व्यावृ॑त्त्यै॒ छन्दो॑भि॒रा च्छृ॑णत्ति॒ छन्दो॑भि॒र्वा ए॒षा ( ) क्रि॑यते॒ छन्दो॑भिरे॒व छन्दाꣳ॒॒स्या च्छृ॑णत्ति ॥
पदपाठः (Word-by-word)
इति॑ । आ॒ह॒ । तस्मा᳚त् । अ॒ग्निः । सर्वाः᳚ । दिशः॑ । अनु॑ । वीति॑ । भा॒ति॒ । उदिति॑ । ति॒ष्ठ॒ । बृ॒ह॒ती । भ॒व॒ । ऊ॒र्ध्वा । ति॒ष्ठ॒ । ध्रु॒वा । त्वम् । इति॑ । आ॒ह॒ । प्रति॑ष्ठित्या॒ इति॒ प्रति॑ - स्थि॒त्यै॒ । अ॒सु॒र्य᳚म् । पात्र᳚म् । अना᳚च्छृण्ण॒मित्यना᳚ - छृ॒ण्ण॒म् । एति॑ । छृ॒ण॒त्ति॒ । दे॒व॒त्रेति॑ देव-त्रा । अ॒कः॒ । अ॒ज॒क्षी॒रेणेत्य॑ज - क्षी॒रेण॑ । एति॑ । छृ॒ण॒त्ति॒ । प॒र॒मम् । वै । ए॒तत् । पयः॑ । यत् । अ॒ज॒क्षी॒रमित्य॑ज - क्षी॒रम् । प॒र॒मेण॑ । ए॒व । ए॒ना॒म् । पय॑सा । एति॑ । छृ॒ण॒त्ति॒ । यजु॑षा । व्यावृ॑त्त्या॒ इति॑ वि - आवृ॑त्त्यै । छन्दो॑भि॒रिति॒ छन्दः॑ - भिः॒ । एति॑ । छृ॒ण॒त्ति॒ । छन्दो॑भि॒रिति॒ छन्दः॑ - भिः॒ । वै । ए॒षा ( ) । क्रि॒य॒ते॒ । छन्दो॑भि॒रिति॒ छन्दः॑ - भिः॒ । ए॒व । छन्दाꣳ॑सि । एति॑ । छृ॒ण॒त्ति॒ ॥