वै मृ॒त्युब॑न्धव॒स्तेषां᳚ ॅय॒म आधि॑पत्यं॒ परी॑याय यमगा॒थाभिः॒ परि॑गायति य॒मादे॒वैन॑द्-वृङ्क्ते ति॒सृभिः॒ परि॑गायति॒ त्रय॑ इ॒मे लो॒का ए॒भ्य ए॒वैन॑ल्लो॒केभ्यो॑ वृङ्क्ते॒ तस्मा॒द्-गाय॑ते॒ न देयं॒ गाथा॒ हि तद्-वृ॒ङ्क्ते᳚ ऽग्निभ्यः॑ प॒शूना ल॑भते॒ कामा॒ वा अ॒ग्नयः॒ कामा॑ने॒वाव॑ रुन्धे॒ यत् प॒शून् नाऽऽ*लभे॒ताऽन॑वरुद्धा अस्य - [ ]
पदपाठः (Word-by-word)
वै । मृ॒त्युब॑न्धव॒ इति॑ मृ॒त्यु - ब॒न्ध॒वः॒ । तेषा᳚म् । य॒मः । आधि॑पत्य॒मित्याधि॑ - प॒त्य॒म् । परीति॑ । इ॒या॒य॒ । य॒म॒गा॒थाभि॒रिति॑ यम - गा॒थाभिः॑ । परीति॑ । गा॒य॒ति॒ । य॒मात् । ए॒व । ए॒न॒त् । वृ॒ङ्क्ते॒ । ति॒सृभि॒रिति॑ ति॒सृ - भिः॒ । परीति॑ । गा॒य॒ति॒ । त्रयः॑ । इ॒मे । लो॒काः । ए॒भ्यः । ए॒व । ए॒न॒त् । लो॒केभ्यः॑ । वृ॒ङ्क्ते॒ । तस्मा᳚त् । गाय॑ते । न । देय᳚म् । गाथा᳚ । हि । तत् । वृ॒ङ्क्ते॒ । अ॒ग्निभ्य॒ इत्य॒ग्नि-भ्यः॒ । प॒शून् । एति॑ । ल॒भ॒ते॒ । कामाः᳚ । वै । अ॒ग्नयः॑ । कामान्॑ । ए॒व । अवेति॑ । रु॒न्धे॒ । यत् । प॒शून् । न । आ॒लभे॒तेत्या᳚ - लभे॑त । अन॑वरुद्धा॒ इत्यन॑व - रु॒द्धाः॒ । अ॒स्य॒ ।