यजुर्वेद

प॒शवः॑ । स्युः॒ । यत् । पर्य॑ग्निकृता॒निति॒ पर्य॑ग्नि - कृ॒ता॒न् । उ॒थ्सृ॒जेदित्यु॑त् - स॒जेत् । य॒ज्ञ्॒वे॒श॒समिति॑ यज्ञ्-वे॒श॒सम् । कु॒र्या॒त् । यत् । सꣳ॒॒स्था॒पये॒दिति॑ सं - स्था॒पये᳚त् । या॒तया॑मा॒नीति॑ या॒त - या॒मा॒नि॒ । शी॒र्॒.षाणि॑ । स्युः॒ । यत् । प॒शून् । आ॒लभ॑त॒ इत्या᳚ - लभ॑ते । तेन॑ । ए॒व । प॒शून् । अवेति॑ । रु॒न्धे॒ । यत् । पर्य॑ग्निकृता॒निति॒ पर्य॑ग्नि - कृ॒ता॒न् । उ॒थ्सृ॒जतीत्यु॑त्-सृ॒जति॑ । शी॒र्ष्णाम् । अया॑तयामत्वा॒येत्यया॑तयाम - त्वा॒य॒ । रा॒जा॒प॒त्येनेति॑ प्राजा - प॒त्येन॑ । समिति॑ । स्था॒प॒य॒ति॒ । य॒ज्ञ्ः । वै । प्र॒जाप॑ति॒रिति॑ प्र॒जा - प॒तिः॒ । य॒ज्ञे । ए॒व । य॒ज्ञ्म् । प्रतीति॑ । स्था॒प॒य॒ति॒ । प्र॒जाप॑ति॒रिति॑ प्र॒जा - प॒तिः॒ । प्र॒जा इति॑ प्र - जाः । अ॒सृ॒ज॒त॒ । सः । रि॒रि॒चा॒नः । अ॒म॒न्य॒त॒ । सः । ए॒ताः । आ॒प्रीरित्या᳚ - प्रीः । अ॒प॒श्य॒त् । ताभिः॑ । वै । सः । मु॒ख॒तः ।