वरुणपा॒शान् मु॑ञ्च॒त्या त्वा॑ऽ*हार्.ष॒मित्या॒हा ऽऽ*ह्य॑नꣳ॒॒ हर॑ति ध्रु॒वस्ति॒ष्ठा ऽवि॑चाचलि॒रित्या॑ह॒ प्रति॑ष्ठित्यै॒ विश॑स्त्वा॒ सर्वा॑ वाञ्छ॒न्त्वित्या॑ह वि॒शैवैनꣳ॒॒ सम॑र्द्धयत्य॒स्मिन् रा॒ष्ट्रमधि॑ श्र॒येत्या॑ह रा॒ष्ट्रमे॒वास्मि॑न् ध्रु॒वम॑क॒र्यं का॒मये॑त रा॒ष्ट्रꣳ स्या॒दिति॒ तं मन॑सा ध्यायेद्-रा॒ष्ट्रमे॒व भ॑व॒त्य - [ ]
पदपाठः (Word-by-word)
व॒रु॒ण॒पा॒शादिति॑ वरुण-पा॒शात् । मु॒ञ्च॒ति॒ । एति॑ । त्वा॒ । अ॒हा॒र्॒.ष॒म् । इति॑ । आ॒ह॒ । एति॑ । हि । ए॒न॒म् । हर॑ति । ध्रु॒वः । ति॒ष्ठ॒ । अवि॑चाचलि॒रित्यवि॑ - चा॒च॒लिः॒ । इति॑ । आ॒ह॒ । प्रति॑ष्ठित्या॒ इति॒ प्रति॑ - स्थि॒त्यै॒ । विशः॑ । त्वा॒ । सर्वाः᳚ । वा॒ञ्छ॒न्तु॒ । इति॑ । आ॒ह॒ । वि॒शा । ए॒व । ए॒न॒म् । समिति॑ । अ॒द्र्ध॒य॒ति॒ । अ॒स्मिन्न् । रा॒ष्ट्रम् । अधीति॑ । श्र॒य॒ । इति॑ । आ॒ह॒ । रा॒ष्ट्रम् । ए॒व । अ॒स्मि॒न्न् । ध्रु॒वम् । अ॒कः॒ । यम् । का॒मये॑त । रा॒ष्ट्रम् । स्या॒त् । इति॑ । तम् । मन॑सा । ध्या॒ये॒त् । रा॒ष्ट्रम् । ए॒व । भ॒व॒ति॒ ।