इ॒ममे॒व तेन॑ लो॒कम॒भि ज॑यति॒ यद्-वि॑ष्णुक्र॒मान् क्रम॑ते॒ऽमुमे॒व तैर्लो॒कम॒भि ज॑यति पूर्वे॒द्युः प्रक्रा॑मत्युत्तरे॒द्युरुप॑ तिष्ठते॒ तस्मा॒द्-योगे॒ऽन्यासां᳚ प्र॒जानां॒ मनः॒ क्षेमे॒ऽन्यासां॒ तस्मा᳚द्-यायाव॒रः क्षे॒म्यस्ये॑शे॒ तस्मा᳚द्-यायाव॒रः क्षे॒म्यम॒द्ध्यव॑स्यति मु॒ष्टी क॑रोति॒ वाचं॑ ॅयच्छति य॒ज्ञ्स्य॒ धृत्यै᳚ ॥
पदपाठः (Word-by-word)
इ॒मम् । ए॒व । तेन॑ । लो॒कम् । अ॒भीति॑ । ज॒य॒ति॒ । यत् । वि॒ष्णु॒क्र॒मानिति॑ विष्णु - क्र॒मान् । क्रम॑ते । अ॒मुम् । ए॒व । तैः । लो॒कम् । अ॒भीति॑ । ज॒य॒ति॒ । पू॒र्वे॒द्युः । प्रेति॑ । क्रा॒म॒ति॒ । उ॒त्त॒रे॒द्युः । उपेति॑ । ति॒ष्ठ॒ते॒ । तस्मा᳚त् । योगे᳚ । अ॒न्यासा᳚म् । प्र॒जाना॒मिति॑ प्र - जाना᳚म् । मनः॑ । क्षेमे᳚ । अ॒न्यासा᳚म् । तस्मा᳚त् । या॒या॒व॒रः । क्षे॒म्यस्य॑ । ई॒शे॒ । तस्मा᳚त् । या॒या॒व॒रः । क्षे॒म्यम् । अ॒द्ध्यव॑स्य॒तीत्य॑धि - अव॑स्यति । मु॒ष्टी इति॑ । क॒रो॒ति॒ । वाच᳚म् । य॒च्छ॒ति॒ । य॒ज्ञ्स्य॑ । धृत्यै᳚ ॥