अ॑प॒स्या॑ अपश्य॒त् ता उपा॑धत्त॒ ततो॒ वा इ॒मां नात्य॑दह॒द्-यद॑प॒स्या॑ उप॒दधा᳚त्य॒स्या अन॑तिदाहायो॒वाच॑ हे॒यमद॒दिथ् स ब्रह्म॒णाऽन्नं॒ ॅयस्यै॒ता उ॑पधी॒यान्तै॒ य उ॑ चैना ए॒वंॅवे द॒दिति॑ प्राण॒भृत॒ उप॑ दधाति॒ रेत॑स्ये॒व प्रा॒णान् द॑धाति॒ तस्मा॒द्-वद॑न् प्रा॒णन् पश्य॑ञ्छृ॒ण्वन् प॒शुर्जा॑यते॒ ऽयं पु॒रो - [ ]
पदपाठः (Word-by-word)
अ॒प॒स्याः᳚ । अ॒प॒श्य॒त् । ताः । उपेति॑ । अ॒ध॒त्त॒ । ततः॑ । वै । इ॒माम् । न । अतीति॑ । अ॒द॒ह॒त् । यत् । अ॒प॒स्याः᳚ । उ॒प॒दधा॒तीत्यु॑प - दधा॑ति । अ॒स्याः । अन॑तिदाहा॒येत्यन॑ति - दा॒हा॒य॒ । उ॒वाच॑ । ह॒ । इ॒यम् । अद॑त् । इत् । सः । ब्रह्म॑णा । अन्न᳚म् । यस्य॑ । ए॒ताः । उ॒प॒धी॒यान्ता॒ इत्यु॑प - धी॒यान्तै᳚ । यः । उ॒ । च॒ । ए॒नाः॒ । ए॒वम् । वेद॑त् । इति॑ । प्रा॒ण॒भृत॒ इति॑ प्राण-भृतः॑ । उपेति॑ । द॒धा॒ति॒ । रेत॑सि । ए॒व । प्रा॒णानिति॑ प्र - अ॒नान् । द॒धा॒ति॒ । तस्मा᳚त् । वदन्न्॑ । प्रा॒णन्निति॑ प्र - अ॒नन्न् । पश्यन्न्॑ । शृ॒ण्वन्न् । प॒शुः । जा॒य॒ते॒ । अ॒यम् । पु॒रः ।